KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

KUERPO POLISIAL ARUBA 3 APRIL 2017

ROBO
Riba  3 di aprel 2017,CVD  a dirgí patruya na La Cabana, pa un kaso di robo.
Na e sitio polisnan a papia  ku un miembro di seguridat L.L, kende a deklará ku e dia promé, alrededor di 17:28, un dama, ku lo  ta kedando den un di e kambernan, a bin bis’é, ku e lo a wòrdu hòrtá dor di un hòmber i ku e hòmber lo a dal’e ku moketa den su kara i a bai ku su pòtmòni.
Ora ku L a bai ku e dama den e kamber, L a mira ku e pòtmòni tabata den e kushina.
E dama a kambia di historia i a bisa ku a hòrta $45 ku lo tabata den su saku di karson.
Riba 3 di aprel 2017, e mesun dama a bin bisa L ku su renchinan di orea a wòrdu hòrtá.
Polisnan a bai papia ku e dama, kende su nòmber ta T, nasé na U.S.A.
E dama a deklará na polis ku e dia promé, alrededor di 15:45, un hòmber kolor blanku, postura delegá, di mas o menos 1.79m, lo a yega serka dj’e i dal’e un slá duru bou di su wowo i a kohe e $45 ku tabata den su saku di karson i a kore bai.
Segun T, e no ta kòrda kon e sospechoso tabata  bistí.
Polisnan a  splika T bon klá, ku  den kaso di denunsia falsu, lo e wòrdu kastigá.
T a deklará kue lo no tabata hasiendo denunsia falsu.
V a deklará ku el a repasá e imáhennan di video, pero no a mira nada ku ta kuadra ku loke e dama a deklará.
Polisnan a mira ku e dama tabatin un mancha kòrá bou di su wowo drechi, pero nan no tabata konvensí ku esaki a wòrdu okashoná dor di un slá di moketa.
Polisnan a tuma tur informashon i a pone CVD na altura di e kaso.
============================
                       KIEBRO
SCP a dirigí patruya na Caya Frerre Arnold pa un kaso di kiebro.
Na e sitio polis a papia ku e dama di nòmber D, kende a deklará ku su esposo tabata e último ku a bandoná kas, alrededor di 19:00.
Na e dama su regreso na kas, el a mira ku deskonosínan a kibra i drenta su kas, uzando un opheto duru pa fòrsa e bentana di e kamber  na  parti ost di e kas.
Ora D a kontrolá e kas, el a mira ku deskonosínan a bai ku entre otro 2 laptop,1 renchi diamante,1 Ipad2, 1tas pretu i 1 estuche di kueru, konteniendo su  AZV zorgpas i diferente otro tarheta di miembresia
Mas aleu nan a buska i ròmel den e kas.
SCP a wòrdu poné na altura  di e kaso,kendenan a pasa e kaso den man di rechèrche.
============================

HABITANTE TA GARA LADRON
CMK a dirigí patruya na Ponton en konekshon ku un pèrsona ku lo a wòrdu gará den e kas.
E habitantenan, entretantu a tene e hòmber en espera di polis.
Na e sitio, polisnan a topa ku e konosí pa polis, e hòmber D.
E notifikante di nòmber T, a deklará ku e tabata den su dormitorio, na momentu ku el a mira un hòmber deskonosí atrabes di e imáhennan di video.
T a sali pafó pa kontrolá, i el a mira un hòmber deskonosí ku a bula ofer di muraya i kore bai den direkshon wèst.
T i su bisiña a kore tras di e hòmber deskonosí, te ora ku nan a gar’é.
Nan a ten’é te ora polis a presentá.
D a wòrdu hibá inmediatamente na warda di polis na Shaba i presentá dilanti un fiskal ouksiliar.
SCP a wòrdu poné na altura di e kaso.
============================
                         KIEBRO
SCP a dirigí patruya na Caya Casula pa un kaso di kiebro.
Na e sitio, e dama a deklará ku deskonosínan a saka algun shùter  di glas i a bai ku solamente un bòter di habon.
Denunsia a wòrdu tumá.
============================

639114718427035"
639114718427035"