KÓDIGO HEL: PREKOUSHON PA LAMAN BRUTU. Pronóstiko di tempu pa Kòrsou i bisindario bálido te djabièrnè mainta 06:00 o.l., 7 di aprel 2017.

Pronóstiko
Pronóstiko di tempu pa Kòrsou i bisindario bálido te djabièrnè mainta 06:00 o.l., 7 di aprel 2017.
Kompilá: Djaweps 6 di aprel 2017, 05:00 o.l. (09:00 UTC)
KÓDIGO HEL: PREKOUSHON PA LAMAN BRUTU.
Tempu: Shelu ta por lo general lévemente nublá ku wer lo keda seku.
Temperatura máksimo lo alkansá 32ºC i temperatura mínimo 26ºC.
Solo ta sali 06:29 i ta baha 18:47 o.l.
Bientu: For di direkshon ost i moderá te basta fuerte; 4 te 5 (20 te 39 km/ora, 11 te 21 nudo). Prinsipalmente den dia, de bes en kuando fuerte te duru den ráfaga; forsa 6 te 7 (40 te 61 km/ora, 22 te 33 nudo).
Situashon general: Ekstenshon di un area di preshon haltu lo sigui okashoná un wer seku den nos region. Diferensha den preshon ta grandi pesei e regimen di bientu basta duru den nos área. Ademas, stòf fini di Sahara lo sigui redusí e visibilidat pa algun dia mas.

Kondishon di laman: Moderá te basta brutu ku altura di olanan entre di 1.5 i 2.5 meter (5 te 8 pia). E situashon di laman ta rekerí e fase di alerta  ‘Kódigo Hel’.
Fenómeno spesial: Ningun
Perspektiva te djasabra mainta: Parsialmente nublá i e  fluho di bientu ta mengua un poko.
Meteorólogo: Thomas.
E próksimo boletin di tempu lo wòrdu publiká djaweps 17:00 o.l. (21:00 UTC).