Komunikado Kuerpo Polisial Aruba 9 April 2017

                     KONTRÒL

Riba òrdu di CVD, a tene un kontròl riba e lokalidatnan den Distrikto 1, en konekshon ku kontròl riba orario di sera.
A tene kontròl entre 03:00 i 04:30.
E siguiente lokalidatnan tabata habrí.
Bow Bow Restaurant, Wing Hung, Watergate, Fuego Bar, Old Dutch Café, Tipsy Bar, Fercho’s Bar, Dubai Bar,Zona Zero,7o’clock,Heart of Music.
E lokalidatnan ariba menshoná a wòrdu será despues di e kontròl.
============================

  SHÒFÙR BOU DI INFLUENSIA.

Riba djadumingo 9 di Aprel 2017, alrededor di 03:15, durante un kontròl, polisnan a mira un outo di famia, kolor blanku, un Chevrolet Cavalier, riba B.V. de Veen Zeppenfeldstraat, sin iluminashon, koriendo den direkshon ost.
Yegando na altura di e establesimentu yamá Java Bar, e shòfùr a kita na man robes i kore drenta Mauvestraat.
Dor di esaki, polisnan a duna e shòfùr señal pa para.
Polisnan a konstatá ku e shòfùr tabata bou di influensia di bibida alkohóliko.
Spontáneamente , el a deklará ku ta for di 08 di Aprel 2017, pa banda di 22:00, lo e tabata konsumiendo alkohòl.
Pa e motibu aki, polisnan a prohibi’é pa manehá.
Polisnan a tuma e suich for di dj’e.
E shòfùr a pidi pa e por saka su pertenensianan di balor for di e outo.
E shòfùr a kohe un pòchi di glas konteniendo un tipo di yerba paresido na marihuana, for di e outo.
E shòfùr a wòrdu detené pa posishon di droga.
E outo a wòrdu konfiská i poné na warda di polis na San Nicolas.

CP a wòrdu poné na altura di e kaso.
============================

  KOMPORTASHON ÍNDESENTE.

A yega na warda di polis, un notifikante, kende a deklará ku un hòmber deskonosí p’e, lo tabata masturbando su mes públikamente.
Polisnan a bai huntu ku e notifikante, kende a bai mustra nan unda e hòmber tabata.
Polisnan a aserká e hòmber i a mira ku su parti íntimo tabata pafó di su karson.
Polisnan a puntr’é kiko e tabata hasiendo .
El a deklará ku e tabata rankando su mes.
Alrededor di 06:25, a detené e hòmber B, pa kaso di falta di desensia i a hibé warda inmediatamente kaminda a presenté na HOvJ, pa mas investigashon.
E sospechoso tabata tambe bou di influensia di bibida alkohóliko.

Pèrsonal di JZP a wòrdu poné na altura di e kaso.
============================

                     PELEA.

Durante patruyahe, polis a wòrdu aserká na altura di Olde Molen, dor di un di e vigilantenan di Olde Molen, kende a konta polis ku lo tabatin un pelea tumando lugá.
Polisnan a bai pa kontrolá esaki.
Tambe nan a mira ku e otro vigilantenan  tabata sakando un hòmber p’afó.
Pafó riba e lugar pa stashoná, e hòmber a bira hopi agresivo.
Polis a purba papia ku e hòmber menshoná. E tabata hopi agresivo.
Polis a konstatá ku e hòmber tabata fuertemente bou di influensia di alkohòl i otro sustansia.
E hòmber deskonosí a wòrdu detené pa violashon di artíkulo 3:52 i hibá warda di polis.

E sospechoso a wòrdu presentá dilanti HOvJ.
============================