MINISTERIO PUBLIKO TA INFORMA Kaso “Maximus” 19 i 21 aprel 2017 den Korte
Info OM:
Kaso “Maximus” 19 i 21 aprel 2017 den Korte
Djárason 19 i djabièrnè 21 di aprel 2017 ta trata e kaso penal “Maximus” ku kontenido den Korte kontra e sospechoso Burney “Nini” Fonseca (Kòrsou, 1971). Fonseca ta sospechoso den e sup-investigashon (deelonderzoek) “Maximus” na esnan ku a duna enkargo pa mata Helmin Wiels.
Fonseca ta aktualmente sintando un kastigu di prisòn pa eksportashon di kokaina i labamentu di plaka. E no ta bai ta presente den Korte pa tratamentu di “Maximus”, pero lo ser skuchá pa wes via videoconference i di e forma ei sigui su kaso.
Fonseca ta ser mirá pa Ministerio Públiko komo e kadena entre esnan ku a kometé e asesinato i esnan ku a duna enkargo di asesinato di Helmin Wiels dia 5 di mei 2013. E kulpabel pa e asesinato ya kaba a keda sentensiá na bida largu te na Korte Superior. E veredikto ei a bira irevokabel.
A wanta e kaso kontra Fonseca dia 8 di ougùstùs 2014 pa tempu indefiní pa motibu ku no a términá e investigashon. E investigashon na e ròl di Fonseca den e totalidat a avansá ku awor si por trata su kaso ku kontenido. E investigashon na e otro nan ku a duna enkargo ta andando.