KOMUNIKADO POLISIAL ARUBA 12 APRIL 2017

      PÈRSONA SOSPECHOSO.

SCP a dirigí patruya na Bushiri na altura di Grand Ocean Supermarket, pa un pèrsona sospechoso.
Na e sitio, polis a topa ku mas o menos 10 pèrsona sintá bou di un palu.
Por a mira ku e pèrsonanan aki tabata pèrsonanan ku ta ehersé  e trabou di konstrukshon i nan tabata bebiendo serbes.
Kuater di e hòmbernan aki a wòrdu listrá, mirando e notifikashon ku a drenta.
No tabatin ningún partikularidat.
Polis a splikanan ku na momentu ku nan ta klá, pa nan rekohé tur bòter di serbes i tiranan den kònteiner di echotech.
Nan a mustra komprenshon.

SCP a wòrdu poné na altura di e kaso.
===========================

     PÈRSONANAN SOSPECHOSO.

Durante patruyahe, SCP a mèldu tokante 2 pèrsona sospechoso ku lo tabata enkontrá nan mes riba tereno di antes “Codemsa”.
Ya komo patruya tabata den bisendario a topa ku 2 pèrsona den un Chevrolet Aveo, kolor kòrá.
E shòfùr a wòrdu pará dor di polis.
E shòfùr M a deklará na polis, ku e kier a kumpra e vehíkulo for di un amigu i ku nan tabata hasiendo un “Test Drive” i despues nan lo a stashoná e vehíkulo riba tereno di antes “Codemsa”.
Polis a manda e shòfùr bai for di e sitio.

SCP a wòrdu poné na altura di e kaso.
===========================

GRUPO DI HOBEN KU TA MOLESTIÁ.

Alrededor di 01:10, SCP a dirigí patruya na Glenns Corner den Avenida Alo Tromp, kaminda lo  tabatin un grupo di mucha hòmber ku lo tabata trese molèster.
Segun e notifikashon e hobennan aki lo ta molestiando e hendenan ku ta kana eybanda i ku probablemente nan tabata bende droga.
Na e sitio polis a topa hobennan konosí di den e area di Rancho Circle K i Seroe Patrishi, ku tabata hasi sospechoso.
Na yegada di polis ya e hobennan ku lo tabata den e area di Glenns Corner, a bai.
Nan a kana bai den direkshon ost.
E grupo di hoben a wòrdu pará dor di polis. A pone nan na altura  ku nan no por ta eynan i nan a mustra komprenshon.

SCP i CVD a wòrdu poné na altura di e kaso.
============================