Orashon djasabra 15 di aprel 2017

Orashon djasabra 15 di aprel 2017

Despues di sabat, na kuminsamentu di e promé dia di siman, Maria Magdalena i e otro Maria a bai wak e graf. Diripiente tabatin un temblor pisá, pasobra un angel di Señor a baha for di shelu, lora e piedra kita for di entrada i kai sinta riba dje. E angel tabata bria manera ora welek ta kòrta i su paña tabata blanku manera lechi. E sòldánan ku tabata tene warda, tabata tembla di miedu. Nan a kai abou na suela, drumí manera morto. Ma e angel a bisa e muhénan: ‘No spanta! Mi sa ku boso ta buska Hesus, Esun ku nan a krusifiká. E no t’aki; El a resusitá, manera E mes a bisa ku lo sosodé. Bin mira e lugá kaminda su kurpa tabata poné. Bai lihé bai bisa su disipelnan: “El a lanta for di morto; E ta bai Galilea boso dilanti. Einan boso lo mir’É.” T’esei mi mester a bisa boso.’ E muhénan a bai purá for di e graf, yen di miedu, ma tòg hopi kontentu. Nan a kore bai konta su disipelnan kiko a pasa. Ma na kaminda, ata Hesus a bin kontra nan i a kumindá nan. E muhénan a hala serka djE, kohe su pia tene i a ador’É. E ora ei Hesus a bisa nan: ‘No tene miedu! Bai bisa mi rumannan ku nan mester bai Galilea; ei nan lo mira Mi.’
Mateo 28:1‭-‬10