Pronóstiko di tempu pa Kòrsou i bisindario bálido te djárason mainta 06:00 o.l., 19 di aprel 2017.

Pronóstiko
Pronóstiko di tempu pa Kòrsou i bisindario bálido te djárason mainta 06:00 o.l., 19 di aprel 2017.
Kompilá: Djamars 18 di aprel 2017, 05:00 o.l. (09:00 UTC)
Tempu: Por lo general parsialmente nublá i nos wer lo ta seku kasi tur kaminda.
Temperatura máksimo lo alkansá 31ºC i temperatura mínimo 26ºC.
Solo ta sali 06:22 i ta baha 18:48 o.l.
Bientu: For di prinsipalmente direkshon ost i moderá; 3 to 4 (12 te 30 km/ora, 7 te 16 nudo). Prinsipalmente den dia, de bes en kuando basta fuerte te posiblemente fuerte den ráfaga; forsa 5 te 6 (31 te 50 km/ora, 17 te 27 nudo).
Situashon general: Nubianan lo sigui pasa temporalmente over di nos region durante di próksimo 24 ora. Mayoria di e nubianan aki lo ta muchu haltu i fini pa generá áwaseru, di manera ku wer seku lo sigui prevalesé. Algun di e nubianan aki de bes en kuando por kousa un asina yamá halo rònt di solo. Mas aleu, stòf fini di Sahara lo sigui pasa dor di nos region i esaki lo sigui limitá visibilidat den nos region te por lo ménos mañan ainda.
Kondishon di laman: Por lo general moderá ku altura di olanan entre di 1 i 2 meter (3 te 6 pia).
Fenómeno spesial: Ningun
Perspektiva te djaweps mainta: Por lo general parsialmente nublá i e visibilidat lo mehorá un tiki. Wer seku ta sigui prevalesé i lo tin ménos bientu.
Meteorólogo: Capello.
E próksimo boletin di tempu lo wòrdu publiká djamars 11:00 o.l. (15:00 UTC).

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: