‘CU FINAL DI AJUDO DI DESAROYO HULANDES COMBINA CU UN MANEHO FINANCIERO FATAL AVP A DESTRUI ARUBA FINANCIERAMENTE!!’

BENNY NISBET (PPA):
‘CU FINAL DI AJUDO DI DESAROYO HULANDES COMBINA CU UN MANEHO FINANCIERO FATAL AVP A DESTRUI ARUBA FINANCIERAMENTE!!’
E declaracion di nos ministro di Finanzas mr. Angel Bermudez den un matutino cu ‘Hulanda pa motibo politico ta nenga Aruba refinanciamento di su debe nacional na interes mas abou’ a hala hopi atencion cerca esnan cu ta sigui politica local continuamente.
E ministro a duna informacion referiendo na e.o. rapport di IMF y rapport di CAFT cu e gastonan cu Aruba ta paga pa su debe nacional ta substancial, ya cu e ta un 15% di nos presupuesto nacional , alrededor di un 4% di nos entrada nacional/GDP. Pais Aruba lo ta pagando mas cu 200 miyon florin pa anja.
E pregunta cardinal ta: Con un gobierno manera di AVP cu a hereda un situacion na unda ja kaba nos debe nacional tabat un 45 % di nos debe nacional y cu tabata un herencia di gobernacion di tanto signatura geel como berde anterior por scoge pa sigui presta pa loco y hasta sera e dealnan di ‘ppp projects’ cu simpelmente a aumenta e debe di pais Aruba. No pa e 4 biyon florin official pero ora bo agrega e debe di e futuro ‘ppp projects’ ( Hospital, Green Coridor y Watty Vos boulevard) e debe nacional lo crea un 3 pa 4 biyon florin mas y tur esaki resultado abrumador di maneho di gabinete Mike Eman cu nan flamante ministro di Finanzas sr. Mike de Meza alias ‘the mess’ pa un total di casi 8 biyon florin arubiano. Esey ta e resultado di gobernacion di AVP un viaja mas.
Pa huzga e totalidad PPA ta di opinion cu e maneho general di tanto gabinete Henny Eman como gabinete Mike Eman tabata fatal pa nos pais riba tereno financiero.
FINAL DI AJUDO ECONOMICO ?
Na anja 1999/2000 gab Henny Eman cu nan flamante ministro di Finanzas sr. R Croes a projecta posibel financiamento di un aeropuerto chikito den Caribe como un free zone den un pais vecino. Esaki a pone Hulanda cuestiona e posibel desaroyo aki. Contesta di gab Henny Eman tabata ‘Aruba ta rico’ …! Hulanda inmediatamente a jama e dos mandatario aki pa Hulanda y a confrontanan cu consecuencia cu a forsa nan firma un acuerdo pa termina ‘ajudo economico hulandes’ na Aruba. Esaki PPA ta considera como un ‘traicion’ di AVP contra interes general di nos pais. Pasobra jamas Aruba tabata cla pa entrega e ajudo economico hulandes. Pero e tempo ey e unico partido cu a cuestiona y protesta contra esaki tabata partido PPA anto for di pafo di parlamento. Sinembargo e ‘traicion’ a tuma lugar y e protocol a worde firma pa Prome Ministro Henny Eman y ministro di finanzas R Croes. Hulanda su ‘ajudo economico’ den curso di anjas a juda Aruba cu hopi projecto ‘social’ na unda influencia positivamente e necesidad bao di esnan cu tabata biba menos bon. Cu e terminacion di e ajudo economico hulandes ningun momento AVP a desaroya e reemplaza necesario pa esaki for di nos presupuesto local. Al contrario !!
DEBE NACIONAL BAO DI GAB. MIKE EMAN !!
E periodo di gobernacion di MEP su so no por worde cualifica un gobernacion dinamico pero a lo menos nan a mantene e debe nacional na un 45 % di nos GDP.
Pero cu entrada di gabinete Mike Eman (AVP) cu un ing como ministro di finanzas cu simpelmente no tabata comprende un patarata di kiko ta un maneho financiero a crea e crisis/caos/disaster di mas grandi cu pais Aruba a conoce. E escogencia di Prome Ministro Mike Eman di ing. Mike de Meza alias the mess como ministro di finanzas en vez di e miembro di AVP sr. A Lee lo bai den historia como e eror di mas grandi di sr. Mike Eman (AVP).
Mike de Meza alias the mess a simpelmente funciona como un ‘jojo’ pa interes di famia Eman y nan interes envez di a sirbi pais Aruba su bienestar general. Y lastima cu majoria di nos pueblo y AVP no a mira e realidad aki e persona directamente responsabel pa e crisis/caos/disaster aki a funciona tambe como ministro di economia y awo pa colmo ta ministro di Turismo. Debe Nacional causando e lista di medida riba lomba di pueblo, e hedging causando cu Aruba so e pueblo a paga tres vez e prijs pa awa y corriente e ultimo dos anja cu otro pais rond mundo, e hecho cu e compania na Canada ta gana mucho mas di nos Lotto pa deporte cu locual ta keda pa aruba su deporte mes, e crisis na WEB, e crisis economico …y locual lo keda demonstra den curso di tempo cu e ‘risico’ cu Aruba a tuma riba su mes pa un ‘upgrader’ lo aumenta e debe nacional di pais Aruba ainda mas.
E crisis, caos y disaster aki ta grandi …pero e ta worde sistematicamente scondi pa nos pueblo. Tur cu ta cobra algo sea directo como indirecto di gobierno ta sinti e man di gobierno den nan derechonan kaba….y ainda falta !!
E COMBINACION ….esta e ayudo economico a termina mientras e debe nacional TRIPLIFICA !!
Y hustamente den e period cu e ultimo fondo hulandes cu a keda atras a worde destina esta un 16 miyon florin hulandes cu lo worde destina pa infrastructura….pueblo no ta consciente con gobierno di Aruba su presupuesto lo reemplaza e ‘ajudo economico’ hulandes ? Justamente ‘mei mei’ di e crisis cu ta na punto di crece substancialmente. Ta na e momento crucial aki pueblo di Aruba ta confronta e eleccionan na September ultimo.
E declaracion di ministro di finanzas sr Angel Bermudez cu Hulanda no ta cumpli cu Aruba …..ta un indicacion cu ‘tencion y panico’ pa e realidad cu ta warda e gobernacion Eman pero tambe un eventual gobierno nobo ta evidente.
Gab. Mike Eman y nan flamante x ministro di finanzas sr. Mike de Meza alias the mess ta hiba un strategia di lucha contra e realidad amargo aki organizando fiestanan grandi cu Musica, bebida y snacks. Durante e siman sagrado unda cu ministronan di AVP tabatata ….a pone musica engrandi cu drinks y snacks grandemente por nada !! Esaki pa pueblo no realisa cu cos ta malo !! Tene nan contento y nan lo no realisa. Pero e realidad di e crisis/caos/desaster ta batiendo na porta !! Un Upgrader cu ainda nos kier habri debidamente pero cu mester worde teni como sifuera e ta den su proceso pa pueblo no realisa e berdad cu a tuma ‘un gato den saco’ ….y cu consecuencia grandi pa nos humilde pueblo.
E grito di Ministro di Finanzas mr Angel Bermudez ta e prome senjalnan fuerte cu gab. Mike Eman ta jegando e punto ‘dramatico’ cu Aruba lo NO tin finanzas pa cumpli cu su debernan.
Esnan cu a kere ciegamente den AVP lo no comprende e tristo realidad aki….pero ta di lamenta cu ta henter nos pueblo lo mester paga e prijs pa gobernacion di AVP cu tabata nada mas cu un Aventura grandi envez di gobernacion serio.
PPA e partido di sr. Juan E Yrausquin q.e.p.d. ta preparando nos mes pa nos duna un contribuicion pa salba nos pais cu nos programa ‘Aruba…..pa e proximo nivel’. LevelUP , switch y vota PPA. Den e lunanan nos dilanti nos lo duna mas claridad riba esaki !
Aruba, 18 di april 2017 BENNY NISBET
LIDER POLITICO DI PPA

This site uses Akismet to reduce spam. Learn how your comment data is processed.

error: Content is protected !!
%d bloggers like this: