Sòftbòl fastpich hubenil a bria ku tremendo evento di weganan di tur strea Patrosiná pa MCB

Sòftbòl fastpich hubenil a bria ku tremendo evento di weganan di tur strea Patrosiná pa MCB

Djárason último tabatin un evento na Buenavista ballpark. Buenavista Ballpark a keda transformá di un forma inkreibel ku a kuadra presis ku e evento. Apesar di e retraso CSB por ta orguyoso kon e kosnan a kana i sigur pa mira asina tantu persona ku a akudí na e evento aki. E anochi a wòrdu dediká na e selekshon femenino ku a gana medaya di oro na 1976 den CAC. Cali Manuel ku a fungi komo MC di e anochi a trese e biografia di e selekshon di 1976 i Sr Taffhy de Jong ku ta un di e téknikonan di e selekshon di 1976 a introdusí tur e hungadónan di 76 presentá na e públiko i a bisa algu di e hungadónan aki. Tambe tabata presente e hòmber grandi i baluarte di sòftbòl fastpich aki na Kòrsou i tambe riba plano internashonal sr. Clovis Lodewijks. Pa loke ta trata e homerune derby mes Tanisha Gil a Sali e ganador, ganando di Jandely Ricardo den final ku 13 homerun kontra 9 di Jandely Ricardo. I den Speed Contest Anais Piar a sali viktorioso. Den un tremendo wega di tur strea, Jandely Ricardo a dal un homerun ku 1 hende na base pa empatá e wega na 3 kareda. I asina e wega di tur strea a keda empatá na 3 kareda. Direktiva di CSB ke yama danki na MCB, grupo Power i tambe grupo di seu???
Playoff hubenil:
Djasabra awor playoffnan di weganan di hubenil ta start na vèlt di Montab aya na montaña. Despues di kasi 30 aña sòftbòl fastpich ta regresá montaña. Weganan lo kuminsá 1or di mèrdia ora ku Younstars/Kanga vs Starosa Angels 2 wega bálido pa no3. vs no.4. Despues pa 3 or di atardi Souax/Eagles vs Starosa Angels 1 ku ta e wega bálido pa no1. Vs no 2. Nos ta invitá tur fanátiko bin apoyá nos muchanan e wikènt aki na Montab. Djasabra i djadumingu awor.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: