Charla : ATAKE DI KURASON Djamars 9 di MEI 2017 na Sentro di Bario Souax

Charla : ATAKE DI KURASON Djamars 9 di MEI 2017 na Sentro di Bario Souax

Fundashon Pro Souax, Sentro Médiko Souax i Sentro di bario Souax ta anunsiá ku e siklo di charla mensual na enkargo di Dr. Octavio Oliva, dòkter di kas pa bario di Souax ta kontinuá djamars 9 di mei próksimo. E luna aki, e tópiko ta: ATAKE DI KURASON.

Un i tur ta keda invitá pa bin tende Dr. Oliva splika ki ora ta papia di atake di kurason i kua ta e sintomanan di atake di kurason. Tambe e dòkter lo amplia riba e diferente kousanan di un atake di kurason i kon kuida bo salú i bo kurason.
E charla ku ta tuma lugá na Sentro di Bario Souax ta di shet’or pa mitar di nuebe di anochi i entrada ta grátis. Lo tin amplio oportunidat pa hasi pregunta.
Fundashon Pro Souax ke animá tur habitante di bario di Souax, Gato, Zegu pero tambe otro interesadonan pa asistí na otro charla interesante riba bo salú i kon kuida bo salú. `

Charla riba tópiko di salú públiko

Tópiko : ATAKE DI KURASON

Oradó : Dr. Octavio Oliva

Dia : Djamars 9 di MEI 2017

Ora : Shet’or pa mitar di nuebe di anochi (19.00 – 20.30)

Lugá : Sentro di bario Souax

Entrada : GRÁTIS