Renaissance Curaçao Resort ta invitabo selebrá Dia di Mama estilo Great Gatsby
Renaissance Curaçao Resort ta invitabo selebrá Dia di Mama estilo Great Gatsby
WILLEMSTAD – Tur aña di nobo Renaissance Curaçao Resort ta selebrá Dia di Mama ku un fenomenal brunch, e aña aki tambe! Aña pasá a ‘hiba’ mama Paris; e aña aki lo selebrá den estilo di Great Gatsby. Renaissance Curaçao Resort ta invitábo pa hasi reservashon trempan pa huntu ku bo famia bo sigurá bo lugá durante di e ‘Mothers Day Brunch’ dia 14 di mei próksimo, entre 12’or di mèrdia i 3’or di atardi. E aña aki tambe a kombiná e brunch ku entretenimento bibu.
Pa djadumingu 14 di mei Renaissance Curaçao Resort a prepará un dia yen di sorpresa pa tur ku disfrutá di nan ‘Mothers Day Brunch’. E tim kulinario di Nautilus i Atrium a pèrkurá pa un menú variá konsistiendo di kuminda lokal i internashonal. Un brunch buffet sabroso ku vários ‘stations’ manera pasta, seafood, e famoso ‘carving station’ anto sin lubidá riba esun di boka dushi. Skohe unda bo ke sinta ku bo famia; na Nautilus òf den Atrium Ballroom.
Renaissance Curaçao Resort a prepará aktividat spesial i premionan di Carnaval Casino, JL Penha i Little Switserland pa tur mama ku disfrutá di e brunch buffet den Atrium, esaki lo ta 116 florin pa persona i lo tin presentashon di Elton Lispier. Pa tur ku ta deseá di brunch den Nautilus lo tin músika bibu di Benjamin Emanuel i e ‘Mothers Day Brunch’ lo ta únikamente 98 florin pa persona. Durante ámbos brunch tur muchanan di 5 pa 12 aña ta paga mitar preis, miéntras ku mucha bou di 5 aña ta kome grátis! Preis ta inkluí e ‘Mothers Day Brunch’ i un ‘welcome cocktail’, miéntras ku tur limonada ta inkluí den preis. Ta rekomendá pa hasi reservashon na tempu; lugá ta limitá. Pa reservashon por yama 435-5034 òf email nautilusrestaurant@curacaorenaissance.com. Kòrda ku por parker grátis na Renaissance Resort.
