MAN TA KONDENA ENFATIKAMENTE KU KONSEHO DI MINISTER DI UN KABINETE DEMISHONARIO TA NOMBRA UN MINISTER KOMO HEFE DI E UNIDAD AGRARIO I DESPUES E MINISTER DEMISHONARIO AKI TA ABORDA AVION PA UN BIAHE KOSTOSO I SIN SINTI DI 19 DIA PA SUISA

MAN TA KONDENA ENFATIKAMENTE KU KONSEHO DI MINISTER DI UN KABINETE DEMISHONARIO TA NOMBRA UN MINISTER KOMO HEFE DI E UNIDAD AGRARIO I DESPUES E MINISTER DEMISHONARIO AKI TA ABORDA AVION PA UN BIAHE KOSTOSO I SIN SINTI DI 19 DIA PA SUISA

Ku asombro i indignashon kresiente partido MAN a tuma nota di e echo ku e Gobièrnu demishonario Pisas a nombra un di su mes ministernan komo hefe di e unidat agrario di su mes ministerio i ku inmediatamente despues di esaki e minister demishonario ta barka KLM business class rumbo pa Ginebra, Suisa pa un biahe di trabou di no ménos ku 19 dia. Ta inkomprendibel ku e Gabinete demishonario, siendo ku partidonan ku e forma e gobièrnu benidero a alertá Gobernador pa esaki, a nombra señora Sisline Girigoria ku ni sikiera un proseso interno di solisitut. MAN ta hiba di opinion ku e nombramentu aki ta inakseptabel i ta urgi esnan konserní pa drei esaki bek inmediatamente. MAN ta tene Gobièrnu demishonario i tur su ministernan responsabel pa e akto bochornoso aki i muy en espesial ta kondena aktitut di e asina yamá Movementu Progresivo i su lider señora Mozes den esaki. I si fuera esaki no ta basta riba 12 di mei señora Girigoria ta informá Staten ku e siguiente dia e lo barka KLM Business Class, ku ken sa kuantu hende mas, rumbo pa Ginebra, Suisa pa un biahe ineksplikabel di no menos ku 19 dia. E ta motivá su biahe ku e ta bai bishita algun empresa di agrikultura i ganaderia i de paso lo partisipá na un konferensia internashonal di WHO, sin bisa kua. Manera bon konosí, Ginebra ta un di e siudatnan mas karu na mundu pero mas ainda Suisa tin un klima i topografía ku ta kompletamente diferente di nos klima na Kòrsou. Kiko e señora aki lo bai studia einan ku por ta aplikabel pa nos agrikultura i ganaderia ta un misterio grandi. Por último ta asina ku mientrastantu formashon di e próksimo gobièrnu ta den e fase di avansá i por spera ku miéntras e minister demishonario ta keiru riba kustia di pueblo na Europa e lo no ta minister mas. MAN ta urgi Gabinete Pisas i Movementu Progresivo pa na promé lugá anulá e nombramentu di señora Girigoria komo hefe di e unidat agrario i yam’e bek for di su vakashon na Ginebra i pa e

2

depositá e sèn ku e la bai ku ne di pueblo bek den kaha di gobièrnu unda tin mihó uso p’e.

E. Koots

Vice Presidente Partido MAN Kòrsou 13 di mei 2017

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: