KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

DEPORTE

Kampeonato Pan Amerikano di Karate di 22 pa 27 di Mei 2017

Kampeonato Pan Amerikano di Karate di 22 pa 27 di Mei 2017

Manera informa anteriormente ta tuma lugá aki na Kὸrsou di 22 pa 27 di Mei prὸksimo e kampeonato Pan Amerikano di Karate.

Kὸrsou ta anfitrion pa no menos ku 450 karateka for di más di 30 pais i kontando aserka tur refree, otro ofisialnan i familiares di e atletanan, nos ta spera más ku 700 bishitante riba nos isla.

Esaki indudabelmente ta bon pa e industria turίstiko di Kὸrsou i un estίmulo pa Top Sport riba nos isla.

E kompetensha internashonal aki ta tuma lugá den sala di eksibishon na WTC (World Trade Center) na Piscadera.

E promé dianan ta destiná pa kurso di refree i reunion di e ofisialnan ku ta bini di hinter e kontinente Amerikano i Karibe.

E kompetenshanan mes ta inisia Djaweps 25 di Mei for di mainta tempran (10’or) ku peleanan i Kata den tur kategorίa i ku ta kontinua Djabièrnè 26 di Mei for di 9’or di mainta. Aki ta trata di eliminashonnan Maskulino i Femenino pa ekipo i individual.

Djasabra 27 di Mei for di 9’or di mainta ta tuma lugá e peleanan final pa medaya den tur kategorίa i tambe e kompetenshanan di kata (demonstrashon di habilidatnan tèkniko di karate).

Despues di e respektivo finalnan den tur e kategorίanan ta tuma lugá entrega di medaya. E seremonia di klousura ta programá pa Djasabra 27 di Mei pa 8’or di anochi. Pa tur kos por kana zeta riba tur e dianan aki e Komité Organisadó di e evento grandi aki ta konta ku un gran kantidat di boluntario. E pakete di entrada pa tur e tres dianan di kompetensha ta unίkamente 25 florin.

Adhuntu foto di top karatekanan mundial ku ta presente na Kὸrsou.

639114718427035"
639114718427035"