KOMUNIKADO DI KUERPO POLISIAL KÒRSOU Detenshon pa violashon di Lei di Arma di Kandela

KOMUNIKADO DI KUERPO POLISIAL KÒRSOU
156 / 2017
15 mei 2017
Detenshon pa violashon di Lei di Arma di Kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 15 di mei 2017, alrededor di 00.40 or, polis a bai duna asistensia na un deurwaarder na momentu ku e tabata ehersé su trabou na un hotèl den área di Otrabanda.
Durante di esaki polis a nota ku un bewaker ku ta presta servisio na e hotèl ariba menshoná tabata den posishon di un arma di kandela.
E hòmber aki no tabatin e pèrmit nesesario pa por karga un arma di kandela.
Na e sitio polis a detené e hòmber M.A.J.A. nasé na Kòrsou di 43 aña di edat pa violashon de Lei di Arma di Kandela, i a konfiská e arma marka Barreta pa mas investigashon.
A presentá e sospechoso dilanti un fiskal ouksiliar ku a ordená su enkarselamentu pendiente mas investigashon.