Biahe dudoso di minister di salubridat señora S. Girigoria pa Ginebra i su nombramentu na L.V.V.

Na Minister President
Sr. Gilmar Pisas
Fort Amsterdam
Presente

Willemstad, 15 di mei 2017

Tópiko: Biahe dudoso di minister di salubridat señora S. Girigoria pa Ginebra i su nombramentu na L.V.V.

Apresiabel señor Pisas,

Pa medio di e karta aki Frakshon di MAN ta aserká bo persona pa via di Konseho di Minister tuma e desishon, pa mas rápido posibel, yama minister S. Girigoria pa e regresá bèk Kòrsou. Komo minister demishionario su biahe no tin ningun balor agregá.

Alabes Frakshon di MAN ta urgi Gobièrnu pa drai bèk e desishon kaminda e propio minister a nombra su mes den un funshon haltu na L.V.V. sin ku a kumpli ku e proseduranan nesesario. Esaki ta bai kontra di reglanan di bon gobernashon i transperensha.
Partido MAN ta para pa trankilidat i stabilidat i bon gobernashon. P’esei e ta urgi Gobièrnu pa tuma e pasonan nesesario sino Fakshon di MAN ta hañé obligá pa yama un reunion públiko i invitá e minister pa e bin responsabilisá su mes ante Parlamento.

Frakshon di MAN ta konfia ku bo persona lo tuma e pasonan korekto i adekuá.

Atentamente,

Elsa Rozendal Yaël Plet Giselle Mc. William

Eugène Cleopa Wimbert Hato