“Servisio ta di siguí ku e mes un profeshonalismo i amabilidat di semper”

“Servisio ta di siguí ku e mes un profeshonalismo i amabilidat di semper”
INSIDENTE NA PORTA DI LABORATORIO DE MEDICOS NO TIN NADA DI HABER KU E LABORATORIO
Willemstad- Un insidente ku a tuma luga na porta di e ofisina prinsipal di Laboratorio de Medicos na Rooi Catootje, entre un pareha, no tin nada di haber ku e laboratorio. Laboratorio de Medicos dirèkt ora e insidente a presenta a tuma akshonnan nesesario pa kontené e situashon afin ku outoridatnan i e pareha enkuestion por atendé e asuntu. Mesora ku e insidente tabata tras di lomba, Laboratorio de Medicos a kontinuá duna su servisio kustumbra na un forma profeshonal i amabel manera Laboratorio de Medicos ta konosi pe.
Laboratorio de Medicos na tur su lokalidatnan ta perkura pa un ambiente reseptivo pa esnan ku ta hasi uso di su servisio di laboratorio. E laboratorio komo tal a keda sorprendí pa un insidente ku por a tuma luga na kualkier momentu i na kualkier otro sitio. Empleadonan di Laboratorio de Medicos ku a eskperensha e insidente a risibi asistensha di profeshonal pa por kontinuá ku nan trabou. Laboratorio de Medicos ke pidi deskulpa na klientenan ku na e momentu ei mester a eksperenshá inkomodidat.
Entre tantu tur kos a normalisá i e laborotario ta kla atrobe pa risibí un i tur na sea su ofisina na Rooi Catootje òf un di su otro 14 lokalidat pa prik fasilmente alkansabel rònt Kòrsou.