KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Awe Digicel Boneiru ta lansa Samsung Galaxy S8 y Galaxy S8+

Buska esun dibo awe mes:
Awe Digicel Boneiru ta lansa Samsung Galaxy S8 y Galaxy S8+
KRALENDIJK: Awe Digicel ta lansa lo último, e “smartphone” mas inovativo ku ta forma parti di e linea espektakular di Samsung Galaxy, esta e Galaxy S8 i Galaxy S8+. E smarphonenan aki ta pusha e fronteranan di e selularnan tradishonal ku nan diseño di ‘hardware’ sin igual. Ku introdukshon di un kantidat di servisio i apps komo tambe un pantaya infinito i espektakular pa un mihó eksperiensha di uzo, Galaxy S8 ta presentá un nivel nobo di funshonalidat i kumbinensia ku ta habri un galaksia di posibilidat.

Pantaya:
E Galaxy S8 ta ser konsiderá e mihó selular ku Samsung a yega di traha – asina mes! Ku un diseño kompletamente nobo for di paden, kuminsando ku e “Pantaya Infinito” i diseño sin “rant” ku ta forma un superfisie kontinuo i lizu, sin boton ni rantnan fuerte. E resultado ta un eksperiensha di uzo impaktante, sin distraishon ku ta hasi “multi-tasking” mas kunbiniente. Galaxy Samsung S8 su diseño kompakto ta hasi posibel e uzo mas konfortabel i ta bin ku Corning Gorilla Glass 5 riba tantu e parti dilanti komo e parti patras pa durabilidat.

Seguridat:
Ku teknologia digital i mobil kresiendo rápidamente, a bira sumamente importante pa ofresé un nivel haltu di seguridat i privasidat den telefon selular, komo ku ta warda, kompartí i tin akseso na un kantidat enorme di data personal i di negoshi riba aparatonan mobil. E Galaxy S8 tin e nivel di mas haltu disponibel riba merkado aktualmente! E ta inkluí un scanner pa kara ku ta rekonosé e iris di wowo di e doño, un scanner pa “fingerprint”, un “pattern pad” i kapasidat pa un kódigo ku ta duna e usuario opshonnan di seguridat máksimo basá riba nan preferensia. Ku esaki, pa “unlock” e Galaxy S8 i tur su fushonnan ta simpel manera bira “Hello Bixby”.

Introdusiendo Bixby:
Ku e idea pa krea un relashon inseparabel entre e telefon selular i su usuario, unda ku e telefon ta komprondé su usuario meskos ku e usuario ta komprondé su telefon, Samsung ta lansa su asistènt digital nobo, Bixby. E ta papia, mira, skucha i ta pèrmití usuarionan pa hasi tur kos riba e telefon ku nan stèm –revolushonando e interakshon entre e usuario i su selular kompletamente. Un di e habilidatnan prinsipal ta Bixby vision, ku ta identifiká kualke kos ku e kámara ta dirigí na dje, sea ta un edifisio, un imágen, un opheto, òf hasta un persona.

Peter Rampling, Digicel Group Chief Commercial Officer, ta komenta, loke klientenan ta buskando den un telefon ta un diseño elegante, funshonalidat super rápido, kalidat di kámara impaktante, resolushon HD. Galaxy S8 ta proveé tur esaki i muchu mas. Segun Sr. Rampling: “E mihó di e telefon ta su kompatibilidat ku Digicel su red super rápido LTE. Nos ta den proseso tèst un konektividat aun mas rápido pa den futuro pa merkado di Caribe i e region di Centro America i ku e selular aki, klientenan por konektá ku amigu i famia den un habrí i será di wowo.”

“Samsung Galaxy S8 ta introdusí un era nobo di diseño di smartphone i servisionan nobo fantástiko, i ta habri kaminda pa un eksperiensha mundial,” Jorge Lopez, Gerente di Benta Regional di Samsung Electronics a bisa. “Galaxy S8 ta nos prueba pa rekuperá konfiansa di e kliente dor di re-definí loke ta posibel den seguridat i ta marka un logro importante den e legado di Samsung pa industria di smartphone.” For di djaluna dia 22 di mei, Samsung Galaxy S8 y S8+ ta disponibel Digicel Boneiru.

639114718427035"
639114718427035"