KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

KOMUNIKADO DI KUERPO POLISIAL KÒRSOU Aksidente di tráfiko ku morto

KOMUNIKADO DI KUERPO POLISIAL KÒRSOU
169 / 2017
22 mei 2017
Aksidente di tráfiko ku morto
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 22 di mei 2017 alrededor di 16.20 or, Sentral di Polis a dirigí un patruya pa Wèg naar Westpunt na haltura di un snèk, pa un aksidente ku a tuma lugá entre dos vehíkulo.
For di un investigashon preliminar ku polis a hasi na e sitio, a sali na kla ku un outo(1) ku tabata koriendo kantu di kaminda, na momento ku el a subi kaminda direkshon pa Otrobanda el a topa ku un otro outo(2) bayendo direkshon di Banda Bou. E outo(1) a purba na lora bèk, pero un choke tabata inevitabel. Dor di e impakto aki e shofùr di e outo (1) a risibí múltiple leshon i a fayesé na e sitio di aksidente.
Ambulans a transportá e okupante ku tabata den e outo(1) pa poliklínika di SEHOS pa tratamentu médiko pa e leshonnan ku el a sufri.
Alrededor di 17.50 or dòkter a konstatá morto di e hòmber Thomas Avelino Knepa, nasé na Kòrsou, 21 di desèmber 1941.
Departamento di Tráfiko ta kontinuá ku e investigashon

639114718427035"
639114718427035"