100 aña sra. Majory Liburd

Promé Minister ta felisitá sentenario Sra. Marjory Liburd

WILLEMSTAD – Resientemente Promé Minister di Kòrsou, Sr. Gilmar Pisas a bishitá sra. Marjory Liburd na e departamentu “Druifi” na Kas di Grandi Habaai, relashoná ku su di 100 kumpleaño.

Sra. Marjory Liburd a nase na e isla di St.Nevis dia 23 di mei 1917 i for di na edat hóben el a bin biba na Kòrsou i aktualmente e ta hospedá na Habaai.

Sra. Liburd a sinti su mes sumamente honrá ku bishita di Promé Minister Gilmar Pisas, kende na e okashon aki a hasi un opsekio na Sra. Liburd. Den seno familiar i tambe demas habitantenan di Habaai, a kanta bolo i a selebrá e di 100 kumpleaño di sra. Liburd.

Djadumingu dia 28 di mei lo tin un sirbishi na Wesleyan Holiness Church na Jamaicaweg pa 10 or di mainta, na unda lo dediká un sala na sra. Marjory Liburd, kende ta e úniko miembro fundadó di e iglesia, ku ainda ta na bida.

This site uses Akismet to reduce spam. Learn how your comment data is processed.

error: Content is protected !!
%d bloggers like this: