RESULTADO DI KÒNTRÒL NA EWT DI PARTI DI E TIM MULTIDISIPLINARIO

WILLEMSTAD – Dia 19 mei 2017 e tim multidisiplinario a realisá kòntròl na
EWT (Europe West Indies Trading) situá na Bombardiersweg .
Durante e kòntròl aki a resaltá e manera Ekonómikamente profeshonal,
ordená i strukturá ku EWT ta ser atministrá.
Durante kòntròl dirigí na e magazein i tambe e frizer a konstatá ku e
produkto keshi di kual fecha di vensementu a pasa (den e fase di jonge kaas),
a ser atministrativamente separá for di tur otro produkto ku ta válido pa
benta . Tur esaki konforme regla i stándartnan establesé
Importante pa remarká ku e produkto keshi tin diferente fase di
transformashon, kada fase tin lokual ta ser yamá “rijpingsperiode”.
Verse Kaas 1 dia,
Jonge Kaas 4 – 6 siman
Jong Belegen 8 siman
Half belegen 3 luna
Belegen 6 luna
Oude Kaas 10 luna òf mas
Aparte di e tareanan di Inspekshon, supervishon i kòntròl, MEO (Inspekshon
Ekonómiko), tin e tarea di informá i eduká nos komunidat.
Resumiendo MEO ta informá ku na EWT, tur kos tabata konforme lei i
reglanan vigente.
MEO ta aploudí e hecho ku EWT ta kumpli tremendamente.