Seminario Struktura di Inkomsten Belasting

Seminario Struktura di Inkomsten Belasting
Willemstad, 29 mei 2017
Bo a yega di entrega bo aangifte di inkomsten belasting i haña bo ku aanslag nan HOPI
haltu? Nos tur tin ku paga belasting riba nos entrada, p’esei ta importante pa bo ta
komprondé e struktura di Inkomsten Belasting di moda ku bo sa kua ta e punto nan ku bo
tin ku tene kuenta kuné. Di e manera aki bo por Evitá Problema Serio ku Belasting.
Dia 4 di yüni na Lions Dive Beach Resort (Meeting Room) di 2 p.m. pa 5 p.m. nos di SBG –
Accounting lo tin un Seminario dediká na yuda komprondé kon pa determiná e montante ku
un persona ta paga Inkomsten Belasting riba dje. E informashon aki ta sirbi komo guia na
momentu di hasi e deklarashon di impuesto.
Tópikonan ku lo elaborá riba dje ta:
Ken ta paga inkomsten belasting
Tarifa di inkomsten belasting
Riba kiko ta paga inkomsten belasting
Kon pa kalkulá un persona su belastbaar inkomen
Fuente nan di entrada (Inkomsten bronnen voor IB)
Dedukshon nan pa IB (Aftrekposten voor IB)
E seminario aki ta importante pa personanan den ‘Loondienst’ komo ku un Empleado tin ku
kumpli ku impuesto riba salario (Loonbelasting) i tambe impuesto riba entrada (Inkomsten
Belasting). Hasiendo bon uzo di e dedukshonnan pa Inkomsten Belasting ta maksimisá un
Empleado su chèns di haña sèn bek di impuesto. E seminario aki tambe ta di balor agregá pa
personanan ku tin un negoshi propio (eenmanszaak) komo ku e ganashi di eenmanszaak ta un
di e fuente nan di entrada pa Inkomsten Belasting.
Seminario Struktura di Inkomsten Belasting ta ser presentá dor di Marie Louise Schoop,
Direktora di Sustainable Business Growth (SBG – Accounting).
Atentamente,
Marie – Louise Schoop
Direktora SBG- Accounting
Tel: (+5999) 526- 1122
Email: mschoop@SBG-Accounting.com