Trabounan di limpiesa a kontinuá awe.

Trabounan di limpiesa a kontinuá awe.

Willemstad – Henter dia tabata tin diferente instansia i NGO, ku ta forma parti di e tim intra-ministrial di Gobièrnu pa atendé ku e derame di zeta, ta hasi trabounan inkansabel pa limpia pidanan di zeta na diferente sitio. A limpia entre otro na Klein Kòrsou i na Ascencion.

Mientras ku e tim ta kontrolá, a bin topa dos laman i un entrada na Wacawa ku algun mancha aki aya di zeta. Pues e trabounan di limpiesa ta kontinuá pa algun dia mas. Tambe ta piki tur otro sushi ku por tin na e bocanan pa asina, si zeta laba bin einan, e trabou di limpiesa bira mas fasil.

Kolaboradornan a transportá tur e restunan di zeta pa Refineria Isla.

Outoridat Marítimo di Kòrsou (MAC) tabata tin kontakto ku funshonarionan di Gobièrnu na Trinidad tokante e derame aki. Nan lo kompartí data disponibel di e zeta ku a plama ku ekspertonan lokal pa por kompará esaki ku loke a haña akinan. Tambe nan a ofresé pa manda ekspertonan akinan pa yuda ku esaki.

Gobièrnu lo sigui duna informashon den transkurso di e dianan ku ta sigui.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: