Pronóstiko di tempu pa Kòrsou i bisindario bálido te djaluna mèrdia 12:00 o.l., 5 di yüni 2017.

Pronóstiko

Pronóstiko di tempu pa Kòrsou i bisindario bálido te djaluna mèrdia 12:00 o.l., 5 di yüni 2017.
Kompilá: Djadumingu 4 di yüni 2017, 11:00 o.l. (15:00 UTC).

Tempu: Shelu ta levemente te parsialmente nublá i nos wer lo keda generalmente seku awe. Mañan mardugá i mainta por kai un ratu algu di áwaseru na un par di kaminda.

Temperatura máksimo lo alkansá 33 ºC i temperatura mínimo 27 ºC.
Solo ta sali 06:10 i ta baha 18:58 o.l.

Bientu: For di prinsipalmente direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Espesialmente den dia, de bes en kuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).

Situashon general: Un ola tropikal a pasa awe mardugá over di nos region, pero a kousa apénas un tiki awa na algun parti di nos isla. E sistema aki ta sigui bai den direkshon wèst i no ta antisipá masha nubia signifikante mas, di manera ku wer seku lo sigui prevalesé. Mas aleu, bientu lo oumentá un tiki awe i de bes en kuando por spera algun ráfaga fuerte.

Kondishon di laman: Por lo general moderá ku altura di olanan entre 1 i 2 meter (3 pa 6 pia). Mas lat awe i durante di djaluna, olanan por bira un tiki mas haltu i por ta nesesario pa emití un mensahe di prekoushon (Kódigo Hel) pa laman bastante brutu.

Sistemanan signifikante di wer tropikal: Ningun.

Fenómeno spesial: Ningun. 

Pèrspektiva te djamars mèrdia: Por lo general parsialmente nublá i lokalmente lo kai un tiki awa djamars mainta. 

Meteorólogo: Capello..

E próksimo boletin di tempu lo wòrdu publiká djadumingu 17:00 o.l.  (21:00 UTC).