Pronóstiko di tempu pa Kòrsou i bisindario bálido te djabièrnè mainta 06:00 o.l., 23 di yüni 2017.

Pronóstiko

Pronóstiko di tempu pa Kòrsou i bisindario bálido te djabièrnè mainta 06:00 o.l., 23 di yüni 2017.

Kompilá: djaweps 22 di yüni 2017, 05:00 o.l. (09:00 UTC).
KÓDIGO HEL: .PREKOUSHON PA LAMAN BRUTU.
Tempu: Leve- te parsialmente nublá i wer seku lo prevalesé.
Temperatura máksimo lo alkansá 32 ºC i temperatura mínimo 27 ºC.
Solo ta sali 06:13 i ta baha 19:03 o.l.
Bientu: For di direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Prinsipalmente den dia, de bes en kuando fuerte den ráfaga; forsa 6 (40 te 50 km/ora, 22 te 27 nudo).
Situashon general: Durante di próksimo 24 ora, ekstenshon di un sistema di preshon haltu situá riba parti oriental di Laman Karibe lo stroba desaroyo di nubianan signifikante riba nos region. Pa e motibu aki ta antisipá ku wer seku lo dominá durante dia di awe. Mas aleu, kondishon di laman lo mehorá gradualmente anto p’esei lo kanselá e prekoushon pa laman brutu mas lat durante di dia.
Kondishon di laman: Moderá te bastante brutu ku altura di olanan entre 1.5 i 2.5 meter (4 pa 8 pia). E kondishonnan lo sigui mehorá poulatinamente durante di awe, pero awe mainta fase di prekoushon (Kódigo Hel) pa laman brutu ta keda na vigor ainda di manera ku ta pidi usuarionan di laman pa no bai leu for di kantu.
Sistemanan signifikante di wer tropikal: Tormenta Tropikal Cindy tabata situá riba Golfo di México, serka di kosta sùit di Merka. E sistema tropikal aki no ta un menasa pa nos region.
Fenómeno spesial: Ningun.
Pèrspektiva te djasabra mainta: Shelu lo ta leve- te parsialmente nublá i no ta antisipá áwaseru.
Meteorólogo: Rombley/Capello
E próksimo boletin di tempu lo wòrdu publiká djaweps 11:00 o.l. (15:00 UTC).