Marlon Wernet ta dirigí imigrashon
Marlon Wernet ta dirigí imigrashon
Manera ta konosí, riba 27 di yuni último direktor di Servisio di Atmishon a keda detené den kuadro di un investigashon penal kontra su persona. Riba 30 di yuni Wes Komisario a husga e proseso di detenshon komo korekto, miéntras ku Fiskal di Ministerio Públiko (OM) a determiná ku ta nesesario pa laga prolongá su enkarselashon ku 8 dia mas.
Pa garantisá kontinuashon di trabounan i por reina trankilidat den e organisashon sin ku tin foko konstante innesesario riba trahadónan den e servisio konserní, Minister di Hustisia a enkargá sr. Marlon Wernet, un persona ku amplio eksperensia ku prosesonan di trabou i liderasgo, temporalmente ku e direkshon general di e servisio aki. E hefe suplente di e departamento di Atmishon i Estadia ta keda responsabel pa maneho di tareanan diario.
Minister di Hustisia
mr. Q. C.O. Girigorie
