Parlamentario pa partido MAN, sr Yaël Plet a manda un karta pa Minister di Tráfiko, Transporte i Planifikashon Urbano relashoná ku limpiesa i mantenshon di nos roi nan na Kòrsou.

Minister di Tráfiko, Transporte i Planifikashon Urbano
Sra. Z. A. M. Jesus-Leito
Seru di Arrarat Parsela C
Presente

Kòrsou, 30 di yüni 2017

Tópiko: Limpiesa i mantenshon di nos roi nan na Kòrsou.

Apresiabel sra. Minister,

Manera ta konosí nos a drenta e periodo di orkan den kual nos por spera entre otro hopi áwaseru. Anteriormente tabatin situashon den kual nos roi nan pa motibu di limpiesa i mantenshon e awa no por a kore i yega e kaminda ku e ta destiná pa bai. Konsekuensia di esei ta ku nos a kontra nos mes den situashonnan kaminda e awa no por a sigui pasa via di roi bai i ku kayanan ta yena ku awa ku ta trese hopi problema kuné prinsipalmente e outomobilista ku na e momentu ei ta koriendo riba kaya ku nan vehíkulo. Tambe nos a tuma nota di kasnan i tambe negoshinan ku ta yena ku awa di kual e komersiante i tambe e doño di kas ta hañ’e den un debe astronómiko.

Teniendo na kuenta ku e situashon sumamente di preokupashon i pa evitá ku innesesariamente nos por enkontra nos mes den e situashon aki, nos ta urgi minister pa tene kuenta ku e siguiente preguntanan di miembronan di parlamento di Kòrsou.

1. E limpiesa di nos roi ta tuma lugá debidamente?
2. A pone prioridat na e roi nan ku por trese mas problema ku awa?
3. Kua ta e roi nan ku a wòrdu limpia kaba i ki dia esei a sosodé?
4. Kuantu roi mas falta pa wòrdu limpia?
5. A hasi un analisis pa wak kon e roi nan ta konektá ku otro?
6. Ta bai tin un plan pa ku mantenshon kontinuo di e roi nan?
7. Tin fondonan disponibel pa ku esaki?

E kontestanan riba nos pregunta ta sumamente importante, pasombra parlamento ke sa ku tin un maneho riba e topiko aki i ku tin un plan di impelemtashon .

Nos ta keda pendiente di un kontesta rápido di minister riba nos preguntanan.

Atentamente,

Yaël Plet
Miembro pa Frakshon MAN den Parlamento di Kòrsou

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: