E dama Zenovia Leito a drenta awe den su periodo di kustodia (bewaring).
Info OM:
E dama Z.L. a drenta awe den su periodo di kustodia (bewaring). El a keda detene resientemente riba sospechoso di entre otro estafa. E tabata tuma plaka pero no tabata entregá e merkansia (outo) ku e tabata priminti.
Awe L. a keda presentá pa fiskal di Ministerio Publiko (OM) dilanti un Wes-komisario (RC) ku a ordená e kustodia ku 8 dia mas. Esaki pa motibu ku tin mas nesesidat pa investigashon i tin indikashon ku tin mas denunsia na kaminda kontra dje.
Tin aktualmente un total di 13 denunsia kontra L. na polis pa estafa cq malversashon.