KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

DEPORTE

Liga MCB ta kontinuá ku diferente partido interesante!

Liga MCB ta kontinuá ku diferente partido interesante!
Resultadonan i skema Liga MCB pa wikènt próksimo

Kòrsou, 20 yüli 2017

Na tur Redaktor Deportivo

Presente

Tópiko: Resultadonan i skema Liga MCB

Resultado di partidonan anterior Liga MCB Promé Divishon:

Djabièrnè 30 yüni 17 20.00 C.Dominguito vs Undeba 2-2
Djasabra 1 yüli 17 19.00 Hub. Fortuna vs Scherpenheuvel 1-1
21.00 CSD Barber vs Subt 0-1
Djaluna 3 yüli 17 20.00 Willemstad vs Vesta 2-2
Djabièrnè 7 yüli 17 20.00 J. Holland vs Victory Boys 2-0

Skema pa e próksimo partidonan di Liga MCB Promé Divishon:

Djabièrnè 21 yüli 17 20.00 C.Dominguito vs Hub. Fortuna SUBT
Djasabra 22 yüli 17 19.00 Vesta vs Undeba SUBT
21.00 Subt vs Willemstad

Djadumingu 23 yüli 17 17.30 CSD Barber vs J. Holland SUBT
19.30 Scherpenheuvel vs Victory Boys

Reprogramashon Liga MCB Segundo Divishon:

Djaweps 20 yüli 17 19.30 Atomic vs De Koning FFK

Skema buèlta di 6 Liga MCB Segundo Divishon:

Djaluna 24 yüli 17 20.00 C.H. Mahuma vs U.D. Tera Kora FFK

Despues di algun siman di pousa debí na e partisipashon di nos selekshon nashonal na Caribbean Cup i Gold Cup 2017, Liga MCB Promé Divishon ta kontinuá e siman aki ku algun partido sumamente interesante di e segundo buèlta, rumbo pa e buèlta di 6 ku ta planiá pa kuminsá ougùstùs próksimo. Ahinda tur e 6 puestonan pa e buèlta di 6 no ta konosí i ahinda tin 2 ekipo ku lo mester klasifiká. Pues e ekiponan aki lo duna tur ku tin pa nan por logra saka 3 punto for di kada partido.
Kosnan ta birando kayente paso esaki lo ta e penúltimo wikènt di weganan, promé ku e buèlta di 6 kuminsá i tur ekipo ke ta aden! E preis pa Liga MCB Promé Divishon ta fl.6 pa adulto miéntras mucha te ku 12 aña ku 60+ ta paga solamente fl.2.50.

Liga MCB Segundo Divishon tambe ta kontinuá awe ku e último partido di e segundo buèlta i djaluna binidero e buèlta di 6 ta ranka sali! Tur e partidonan aki lo tuma lugá na tereno di FFK i e entrada ta kosta fl.2.50 pa tur hende.

Un yamada ta bai na hinter e pueblo di Kòrsou pa asistí na e tremendo partidonan di Liga MCB. Bin pasa un ratu ameno den kompania di bo famia i disfrutá di bo deporte preferí e deporte rei, futbòl!

MCB i FFK ta warda bo!

639114718427035"
639114718427035"