KOMUNIKADO DI KUERPO POLISIAL KÒRSOU Kaso di maltrato, destrukshon i menasa ku detenshon

KOMUNIKADO DI KUERPO POLISIAL KÒRSOU
267 / 2017
23 yüli 2017
Kaso di maltrato, destrukshon i menasa ku detenshon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 23 di yüli 2017, alrededor di 17.05 or, Sentral di Polis a risibí notifikashon di un
kaso di maltrato ku arma, destrukshon i menasa ku a tuma lugá na un toko na Veeris.
Mesora a dirigí un patruya polisial na e sitio. Na yegada di polis e sospechoso no tabata na e
sitio mas.. For di un investigashon preliminar ku polis a hasi na e sitio a resultá ku un
hòmber mester a saka machete i menasá i maltratá e doño di e toko i kometé destrukshon
den e toko. Polis a detené e hòmber R.A.G. nasé na Kòrsou di 58 aña di edat, komo
sospechoso di e maltrato, menasa i destrukshon ariba menshoná. E detenshon a tuma lugá
na su kas den San Souci.
A presentá e sospechoso R.A.G. dilanti un fiskal ouksiliar ku a ordená su enkarselamentu
pendiente mas investigashon.