Shary-An Nivillac ta bai duna presentashon durante Curaçao Pride

Shary-An Nivillac ta bai duna presentashon durante Curaçao Pride

E kantante Kurasoleño Shary-An Nivillac ta bin Kòrsou den luna sèptèmber benidero pa trese diferente kansionnan den Curaçao Pride, entre otro e himno di Amsterdam Pride “I am what I am“.
Shary-An a kibra rekòrt den su karera musikal na Hulanda komo kantante despues ku su 18 aña e a sa di sali den e halve finale den e Programa Televishon “The Voice of Holland”. Entretantu e kantante aki tin dos álbum kaba riba su nòmber. Últimamente su cd a sali riba merkado bou e nòmber “Project Me”.

Curaçao Pride Organisashon ta sumamente kontentu ku Shary-An ta bini Kòrsou pa trese su repertoire dilanti durante e Pride aki. Su binida ta di spònser pa Amsterdam Pride komo un estímulo pa anual sigui ku e evento aki, kaminda e atenshon ta ser rekerí pa e igualdat den e komunidat, no opstante sekso, kolo, rasa, religion o orientashon seksual.
E organisashon ta di opinion tambe ku Shary-An ta un bunita ehèmpel pa e hóbennan Curaçao LHBT.

“Mi ta haña ku bo mester ta e ken bo ke ta. Ser Gay mester por ta asina den kualke kultura. E ta zona masha simpel pero pa algun hende e ta masha difísil pa laga mira ken bo ta. Pero no tin motibu pa ningun bèrgwensa ?” Segun Shary-An.

Curaçao Pride e aña aki ta di 27 sèptèmber te ku 01 òktober 2017. Pa mas informashon i e programa por haña riba e site http://www.curacaopride.com y facebook.com/curacaopride.

foto: annemieke van der togt

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: