Orashon djaweps 3 di ougustus 2017

Orashon djaweps 3 di ougustus 2017

“Reino di shelu ta asin’akí tambe. E ta manera un reda ku nan a tira den laman i ku a kohe tur sorto di piská. Ora e reda tabata yen, a hal’é na kantu, kai sinta i pone bon piská den un hèmber, mal piská a tira afó. Meskos lo sosodé na fin di tempu tambe. Angelnan lo separá e malbadonan for di e hustunan. Nan lo tira e malbadonan den fòrnu di kandela; ei nan lo yora i morde djente, di doló. Boso ta komprondé tur e kosnan akí?’ E disipelnan a kontestá: ‘Sí.’ Hesus a sigui bisa: ‘P’esei un dòktor di lei ku a bira disipel den reino di Dios ta meskos ku un doño di kas ku ta saka kos nobo i kos bieu for di loke e tin na stòk.’ Despues ku Hesus a kaba di konta e parábolanan akí, El a bai for di ei.”

Mateo 13:47-53