KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Ultimo fase di plantashon di mata na e area di rotònde na SDK

Ultimo fase di plantashon di mata na e area di rotònde na SDK

Willemstad – Djaluna 7 di ougustus próksimo Obra Públiko i e kontratista Kwekerij Exotische Tuinen ta kaba di planta e último matanan ku falta den besindario di e rotònde riba Kaminda Andrew Jones na altura di Stadion Ergilio Hato (SDK). E plantamentu ta konsentrá mas tantu na e parti ost, pues na e pia di e rotonde nèt dilanti di SDK.

E trabounan ta tuma lugá den tres dia, entre 8’or di mainta i mitar di 12 i den e oranan di atardi entre mitar di 2 i 5’or di atardi. Asina ta evitá pa tráfiko pega durante di e oranan di mas drùk. Ta sera e kayanan parsialmente pa tráfiko, pa e trahadónan por hasi nan trabou na un manera mas sigur. Esaki ta nifiká ku tráfiko mester tene kuenta ku e kaminda ta bira mas smal durante di e oranan di trabou.

Ounke e kontratista ta sòru pa e molèster keda mínimo, tráfiko motorisá tin ku baha velosidat i tene kuenta ku e trabounan den e área. Obra Públiko i Kwekerij Exotische Tuinen ta pidi komprenshon pa e trabounan.

639114718427035"
639114718427035"