Orashon djadumingu 22 di aprel 2018

Orashon djadumingu 22 di aprel 2018

‘Ami ta e bon wardadó; un bon wardadó ta entregá su bida pa su karnénan. Un hende ku ta risibí pago no ta un wardadó ni ta doño di e karnénan. Ora e mira un lobo ta aserká, e ta bandoná e karnénan i baha na katuna. E ora ei e lobo ta hòrta e karnénan i plama nan for di otro. Pasobra e hende ku ta risibí pago no ta nada mas ku un trahadó e no ta preokupá pa e karnénan. Ami ta e bon wardadó; Mi konosé mi karnénan i nan konosé Mi. Meskos tambe Mi konosé mi Tata i mi Tata konosé Mi; Mi ta entregá mi bida pa mi karnénan. Mi tin otro karné tambe, ku no ta di e kurá akí. Mi mester guia nan tambe; nan lo tende di Mi i lo ta ún trupa di karné ku ún wardadó. , Tata stima Mi, pasobra Mi ta dispuesto na entregá mi bida pa despues Mi tum’é bèk. Niun hende no ta kita mi bida for di Mi; Mi ta entreg’é di mi mes boluntat. Mi tin poder pa entreg’é i poder pa tum’é bèk. T’esaki mi Tata a manda Mi hasi.’ ‘ Huan 10:11-18