KOMUNIKADO DI KUERPO POLISIAL KÒRSOU Detenshon pa violashon di e Lei di Opio.

KOMUNIKADO DI KUERPO POLISIAL KÒRSOU
175 / 2018
23 aprel 2018

Detenshon pa violashon di e Lei di Opio.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 23 di aprel 2018, alrededor di 02.48 or, Sentral di Polis ta dirigí un unidat polisial na Sentro Detenshon Korekshon Kòrsou, kaminda un agente di siguridat di e sentro a detené un hòmber. Durante investigashon na e instituto a sali na kla ku e hòmber aki a logra di kòrta waya di e kurá na haltura di e baraknan i asina subi e tereno. Na momento ku a hasi un kontról riba e sospechoso e tabatin un kantidat chikitu di mariwana den su poder. Siguiendo ku e investigashon polis a kontrolá e vehíkulo di e sospechoso, den e baul e tabatin e.o. difirente atributonan di telefòn probablemente prosedente di ladronisia i algun otro artíkulo mas ku ta importante pa e investigashon. Polis a konfiská tantu e artíkulonan komo e outo pa mas investigashon. Polis a detené e hómber sospechoso E.F.S. di 48 aña di edat, nasé na Kòrsou, pa destrukshon i violashon di e Lei di Opio.
A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.
Investigashon den e kaso ta kontinuá.