Orashon djamars 24 di aprel 2018
Orashon djamars 24 di aprel 2018
‘Tabata wenter i nan tabata selebrá fiesta di purifikashon di tèmpel na Herusalèm. Hesus tabata kana den galeria di tèmpel, den e balkon dediká na Salomon. E pueblo a rondon’É i puntr’É: ‘Pa kuantu tempu mas, Bo ta laga nos den suspenso? Si ta Bo ta e Mesias, bisa nos esei bon kla!’ Hesus a kontestá nan: ‘Mi a bisa boso, ma boso no a kere. E obranan ku Mi ta hasi den nòmber di mi Tata, ta testiguá na mi fabor. Ma boso no ker a kere, pasobra boso no ta pertenesé na mi trupa di karné. Mi karnénan ta skucha mi stèm; Ami konosé nan i nan ta sigui Mi. Ami ta duna nan bida eterno i nunka nan lo no bai pèrdí; niun hende no por ranka nan kita for di mi man. Mi Tata ku a duna Mi nan, ta mas grandi ku tur i niun hende no por ranka nan kita for di man di mi Tata. Ami ku mi Tata ta un!’ ‘ Huan 10:22-30