MOSHON HNO 24 aprel 2018

MOSHON

 

Reunion Públiko di djamars 24 di Aprel 2018.

 

Konsiderando ku;

  • Un hospital nobo tabata di vital importansia pa desaroyo di Kòrsou i pa brinda siudadanonan un kuido optimal i efektivo den un edifisio nobo pa por tin garantia di un kalidat haltu di kuido pa pueblo di Kòrsou;
  • Na 2012 a disidí pa traha un hospital nobo riba un asina yamá “Greenfield”, ku ta un tereno kompletamente liber di konstrukshon na Nieuwehaven konosí komo tereno di Amstel ku un grandura di 53,000 m2;
  • Na 2013 un gobièrnu nobo, ku apoyo di mayoria den Parlamento a disidí pa kambia e sitio kaminda Hospital Nobo mester a wòrdu konstruí riba un tereno bashí “Greenfield” i a disidí pa bai Otrobanda kaminda einan no tabata tin un tereno adekuá, sin sufisiente espasio (m2) pa konstruí i gran parti di e tereno tabatin konstrukshon ariba kaba;
  • Segun informashon suministrá den e reunion di Komishon Sentral kaminda a invitá tur e “Stakeholdernan” a sali na kla ku e desishon pa kambia e sitio kaminda e Hospital Nobo mester wòrdu konstruí di Amstel pa Otrobanda a oumentá e presupuesto original ku 40% adishonal di gastu, debí ku no a konstruí riba un “Greenfield”;
  • Esaki ta ser kalifiká komo un desishon inkorekto, deskabeyá i ku konsekuensianan grave ku a kousa un daño inmenso na nos finansa públiko i ku ta oumentá Kòrsou su debe nashonal, mester pone esnan ku a tuma e desishon aki responsabel pa esaki;
  • Pueblo di Kòrsou no por ta esun ku ta bira víktima di desishonnan inkorekto, deskabeyá ku na final di dia ta pueblo di Kòrsou mester apsorbé e gastunan adishonal di e desishon inkorekto di e konstrukshon aki;

 

Ta Disidí;

  1. Pa gabinete Rhuggenaath i ningun otro gobiernu, garantisá ku no ta pasa e gastunan adishonal di e konstrukshon di Nos Hospital Nobo, ni pa e dunadó di trabou (Werkgever), ni pa e klase laboral (Werknemer);

 

  1. Parlamento ta urgi minister Camelia-Römer i gabinete Rhuggenaath pa garantisá pueblo di Kòrsou ku no lo introdusí niun klase di medida pa oumentá e prima di seguro na SVB pa por produsí fondo pa kubri bèk e gastunan adishonal aki;

 

  1. Pa gabinete Rhuggenaath garantisá ku tampoko pa medio di oumento di nos debe nashonal, fiando mas sèn riba merkado di kapital ta pasa e kuenta adishonal aki na esnan ku ta paga impuesto na Kòrsou i konsekuentemente ta pueblo i futuro generashonnan lo haña nan ku e faktura presentá despues;

 

  1. Urgi minister Camelia-Römer i gabinete Rhuggenaath pa garantisá pueblo di Kòrsou, ku e gastunan adishonal “Meerkosten”, lo no ta bai tin tampoko efekto riba presupuesto di Kòrsou, dor di kòrta anualmente den Ministerionan i fondonan públiko ku ta destiná pa mehorá kalidat di bida pa nos pueblo, anto usa e redukshon aki riba presupuesto pa tapa e burakunan krea dor di e debakel pa ku konstrukshon di HNO;

 

  1. Urgi Minister Camelia-Römer i gabinete Rhuggenaath pa garantisá ku nan lo hasi tur kos pa esnan ku a kousa e situashon aki, wòrdu di poné responsabel pa e gastunan adishonal (Meerkosten), pa asina esaki no bin pa kuenta di Gobiernu, konsekuentemente pa e pagadó di impuesto na Kòrsou.

 

  1. Pa suprayá pa gabinete Rhuggenaath garantisá Parlamento i pueblo di Kòrsou ku partidonan SONA, USONA, Berenschot i Ballast Nedam i Ministernan ku a tuma e desishon robes na 2013 i ku a permití nos yega awe na e resultado di un HNO ku gastunan adishonal di mas di 74 mion florin (te ku awor) wòrdu tene responsabel pa e gastunan adishonal (Meerkosten) ku a surpasá (Overschrijd) e presupuesto original pa konstrukshon di Nos Hospital Nobo i ku pa motibu di a desviá for di destaho internashonal i e presupuesto aprobá dor di Gobiernu na 2012, awe ta hasiendo mas fiansa riba merkado di kapital hinkando Kòrsou den mas debe sin tabatin nodi.

 

I TA PASA PA ORDEN DI DIA.

 

Kopia di e moshon aki ta bai pa:

  • Gobiernu di Kòrsou;
  • Kontrolaria General
  • SOAB

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: