Frakshon di Man ku kambio den lei di warenlandsverordening pa prohibí saku di plèstik.

Frakshon di Man ku kambio den lei di warenlandsverordening pa prohibí saku di plèstik.

 

Djaweps 3 di mei 2018 frakshon di MAN riba inisiativa di parlamentario sr Giselle Mc William hasi entrega di un inisiativa di lei mas. E inisiativa aki ta enserá kambio den nos Warenlandsverordening pa ku prohibishon di entre otro saku di plèstik.

Meta di e kambio den e lei aki ta pa evitá e kantidat eksplosivo di saku di plèstik riba kaya den nos medio ambiente i  tambe kuminsá konsientisá nos pueblo di e doño ku plèstik ta hasi nos isla.

Ya kaba nos por a tuma nota di algun supermerkado ku ta aplikando esaki dor di no ta duna saku di plèstik na klientenan sino bende esunnan duradero.

Pa por regulá esaki mester a bini ku leinan pa atendé ku e situashon di plèstik aki ku ta un menasa pa naturalesa tantu riba tera komo bou di laman.

Na 2008 momentu ku sr Humprey Davelaar tabata diputado tabatin intento ku a keda hasi pa bini ku e lei aki pero esei no a logra. Despues di hopi esfuerso porfin a logra ku awe frakshon di MAN por a hasi entrega di kambio di lei pa ku prohibishon di entre otro saku di plèstik i bukinan di foam di kuminda. Na momentu ku e kambio di lei aki ta pasa Raad van Advies pa kana su prosedura .Den kuadro di esaki algun Frakshon di MAN por bisa ku esaki ta un logro importante pa protehá nos medio ambiente na Kòrsou i yuda logra e metanan di Social Development Goals, SDG’s 13 (climate action),14 (life under water) i 15 (life on land).