KOMUNIKADO DI KUERPO POLISIAL KÒRSOU Detenshon pa violashon di Lei di Opio.
KOMUNIKADO DI KUERPO POLISIAL KÒRSOU
196 / 2018
8 mei 2018
Detenshon pa violashon di Lei di Opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 8 di mei 2018, alrededor di 10.40 or di mainta, polis a tene un kontròl na un Mini Market den e área di Rooi Santu.
Na e sitio polis a kontrolá kuater (4) hòmber i riba un di e hòmbernan polis a haña i konfiská un saku chiki di plèstik ku mariwana i hash aden.
Na e sitio polis a detené e hòmber C.C.J nasé na Kòrsou di 24 aña di edat, pa violashon di Lei di Opio.
A presentá e sospechoso dilanti un Fiskal Ouksiliar.