Charla tokante Energia Pagabel.

Charla tokante Energia Pagabel.

Presentá dor di ir. Edward Bakhuis.

Willemstad – djaluna 14 di mei Partido Alternativa Real (PAR) lo organisá un charla interesante tokante energia pagabel, den kuadro di selebrashon di nan prome lustro.

Orador di e anochi lo ta ir. Edward Bakhuis, aktual presidente di Fundashon Antiyano pa Energia (FAPE). E charla lo tuma lugá na sentro di bario Wishi Marchena i ta kuminsá 7or di anochi i ta kompletamente grátis.

Esaki ta e terser charla ku ta keda organisá pa PAR, den kuadro di e selebrashon di su 25 aña di eksistensia 14 di desèmber próksimo. E promé charla tabata na sentro di bario montaña kaminda a para ketu na implementashon di e plan di urgensia. E di dos tabata na sentro di bario Janwe, i tabata tokante kalidat di edukashon komo meta pa desaroyo sustenibel na Kòrsou.

Meta di e charlanan aki ta pa públiko sera konosí ku e metanan di desaroyo sustenibel di Nashonnan Uni, kual ta base pa e plan di desaroyo di Kòrsou.

Direktiva di PAR pa medio di esaki ta invitá tur esnan ku ta interesá pa bini sentro di bario Wishi Marchena djaluna awor, pa asina partisipá na e enkuentro aki.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: