KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Presidente i lidernan di frakshon di Parlamento a risibí e vise Presidente di Raad Van State di Reino

Presidente i lidernan di frakshon di Parlamento a risibí e vise Presidente di Raad Van State di Reino
Djabièrnè dia 28 di sèptèmber Presidente di Parlamento i e lidernan di e frakshon a risibí bishita di sr. Piet Hein Donner, e vise Presidente di e órgano di konseho di Reino Ulandes “Raad van State”. E bishita aki di sr. Donner tabata den kuadro di su próksimo salida komo vise Presidente. E delegashon a ser risibí dor di Presidente, sr. William Millerson i den un reunion ku lidernan di frakshon di Parlamento presente. Entre e lidernan presente tabatin sra. Pauletta, sr. Schotte, sra. Rozendal i sra. Moses. A amplia riba e implikashonnan di e situashon di Venezuela riba Kòrsou i kon mester mira esaki den konteksto di Reino. Tambe a papia riba e tema di Areglo di Disputa (Geschillenregeling). Tur esnan presente a eskpresá nan gratitut pa e kontenido di e kombersashon i tambe pa e añanan di servisio i interes den asuntunan di e parti Karibense di Reino. Próksimamente sr. Thom de Graaf lo asumí e enkargo di vise Presidente di Raad van State.

Leave a Reply

This site uses Akismet to reduce spam. Learn how your comment data is processed.