Brantwer Kòrsou a kòrtá 12 palu den 12 ora despues di yobida fuerte

Brantwer Kòrsou a kòrtá 12 palu den 12 ora despues di yobida fuerte

Te ku 8or ayera nochi, Brantwer Kòrsou a registrá 12 asistensia ku nos a desplegá pa yuda na diferente adrès den nos komunidat. A kòrtá un total di 12 palu grandi ku a kai riba kaminda publiko òf riba daknan di kas, kual a kousa daño. Brantwer a risibí muchu mas tantu melding pa asistensia, pero a logra duna asistensia solamente na esnan di mas urgensia.

Mas aleu durante di e dia di ayera tambe a duna asistensia na 6 adrès ku tabata tin hopi molèster di awa, den kual Brantwer huntu ku habitantenan di e kas a purba pa alivia e situashon. Tambe Brantwer a paga un vehikulo na kandela den oranan trempan di mainta, mientras a bai tambe na Piscadera Bay Marine pa un boto ku a yena ku basta awa.

Fotonan ta di palu ku a kai na Salumaweg, Kaya Seru Pieter, Schottegatweg Oost i tambe palu ku a kai riba dak di kas na Dein.