Minister di Finansa  

Señor Kenneth Gijsbertha

Pietermaai #17/Pietermaai 4-4A

 

Djamars, 19 mart 2019

 

Tópiko:  Ehekushon di presupuesto 2019 Pais Kòrsou – kobransa di impuesto di traspaso (“overdrachtsbelasting”).

 

Apresiabel señor Minister Kenneth Gijsbertha,

 

For di 10 òktober 2010, nos Areglo di Estado di Pais Kòrsou (nos lei máksimo) ta indiká normanan finansiero pa finansa públiko di Pais Kòrsou den entre otro e artíkulonan 84, 85 insiso 2 i 4. Normanan finansiero di Pais Kòrsou kual ta indiká i ta basa riba ku tur kontribuyentenan di belasting tin ku kontribuí na tempu segun leinan di Pais Kòrsou pa asina na tempu por finansiá e gastunan kolektivo presupuestá di Pais Kòrsou. Tur esaki ku e meta pa sigui traha riba bienestar i progreso di henter nos Pais Kòrsou. Tambe e normanan finansiero  di nos Pais Kòrsou i otro leinan di Pais Kòrsou ta indiká ku entradanan di Pais Kòrsou, pagá dor di kontribuyentenan di Pais Kòrsou ta dependé di entre otro: (1) deklarashon di belasting kompleto i korekto di kontribuyentenan, (2) henter e aparato fiskal ku tin ku aktua i pone “aanslag” òf “naheffingsaanslag” ora ku kontribuyentenan no hasi deklarashon di belasting na tempu òf ora un kontribuyentenan hasi un deklarashon di belasting inkompleto i/òf inkorekto òf a base di un kontrol fiskal di e deklarashon di belasting di kontribuyentenan, (3) kontrolnan di henter e aparato fiskal riba deklarashon di belasting di kontribuyentenan, (4) kobransa na tempu dor di e aparato fiskal pa asina por garantisá ku kontribuyentenan di belasting ta kontribuí na tempu na kaha pa asina por finansiá gastunan kolektivo di nos Pais Kòrsou.

 

Pues pa ami komo parlamentario ta masha importante den kuadro ariba menshoná i di mi trabou komo parlamentario i representante di Pueblo di Kòrsou pa sa kon ta atendiendo ku e punto pa loke ta trata impuesto di traspaso (“overdrachtsbelasting”). A base di mi plan di trabou di kontròl parlamentario mi ta aserka Minister hasiendo uso di mi derecho komo parlamentario pa hasi pregunta nan konforme artíkulo  96 di Reglamentu di órden di Parlamento di Kòrsou tokante impuesto di traspaso (overdrachtsbelasting).

 

Den pasado Parlamento di Kòrsou a bai di akuerdo ku e kambio di lei : “Landsverordening van de 27ste november 2014 tot wijziging van de Landsverordening op het Notarisambt in verband met tussen 1980 en 1997 in het ongerede geraakte akten. Parlamento di Kòrsou a aprobá e lei ku a wòrdu publiká pa medio di e P.B. 2014, no.102. Ku e kambio aki a bira posibel  ku por a kobra e ofisinanan di notario e sènnan di impuesto di traspaso (“overdrachtsbelasting”) entre añanan 1980 te ku 1997. Segun kartanan di e eks Minister di Finansa di e tempu ei tabata trata di un montante di 2.8 mion florin (kalkulashon pa paga segun ofisinanan di notarionan).  Aki mi ta referí na e karta di 23 mart 2015 i di 15 sèptèmber 2015 (anekso 1 i 2) kual tambe ta indiká ku na te ku 15 sèptèmber 2015 ainda no a logra di kobra e montante aki.

 

A base di e memoria di aklarashon di e lei ariba menshoná (P.B. 2014 no. 102) tabata papia di un montante di 5 mion florin (“ambtelijke raming”). A base de e puntonan ariba menshoná  mi e siguiente preguntanan na Minister:

  1. Kuantu ta e montante den mion florin ku a kobra finalmente?
  2. Tur ofisina di notarionan a paga e montante di 2.8 mion florin?
  3. A laga Stichting Belastingaccountantsbureau (SBAB) hasi un kontrol (“boekenonderzoeken”) riba loke a keda kobra i tambe e deklarashon di overdrachtsbelasting di ofisinanan di notarionan?. Si òf No. Dikon si òf no?. Kiko tabata e resultado?
  4. A logra di hasi e investigashon riba e deklarashon di overdrachtsbelasting (“volledigheid en tijdigheid”), manera menshoná den e karta di 23 mart 2015?.) Si òf no. Dikon si òf no? Kiko tabata e resultado?
  5. Na aña 2016 parlamento di Kòrsou a hasi adaptashon pa loke ta artíkulo 3 di e lei di overdrachtsbelasting kual a bira: “Onder naam van overdrachtsbelasting wordt een belasting geheven op de akten en de vonnissen van overdracht van onroerende zaken”. E kambio di lei aki a wòrdu publiká den P.B 2016 no. 37 di dia 15 juli 2016. A base di e kambio den e lei aki mi tabata ke sa di minister: “Kuantu kontrol (boekenonderzoeken) di overdrachtsbelasting a laga SBAB hasi pa loke ta e kontrol di “volledigheid i juistheid di “ overdrachtsbelasting pa loke ta trata añanan fiscal 2017 i 2018?

 

Atentamente,

 

Curtley Obispo

Parlamentario pa Kòrsou

PAR

 

Aneksonan:

  1. Karta di Minister di Finansa di dia 23 mart 2015
  2. Karta di Minister di Finansa di dia 15 sèptèmber 2015

Doc14530_410aV_14-15MinFin-VzSTN23mrt15BEANTWRosaria10feb15EhekushóndiPB2014no.102Doc15327_410dV_15-16MinFin-VzSTNBEANTWRosaria21mei15EhekushondiPB2014-102

Potret 2019 parlamentario Curtley Obispo

This site uses Akismet to reduce spam. Learn how your comment data is processed.

error: Content is protected !!
%d bloggers like this: