Reglamentu di  Órden di Parlamento di Kòrsou ta publiká for di 24 ougùstùs 2012.

Reglamentu di  Órden di Parlamento di Kòrsou ta publiká for di 24 ougùstùs 2012.

Segun artíkulo 62 di nos Areglo di Estado di Kòrsou, nos lei máksimo, e Reglamento di Órden di Parlamento di Kòrsou mester ta fiha dor di Parlamento di Kòrsou i tambe mester ta publiká den un Boletin Ofisial Nashonal (“Publicatieblad”). Parlamentario Curtley Obispo den e reunion di Parlamento di Kòrsou di dia 7 mart 2019 a bolbe trese pa dilanti ku Parlamento di Kòrsou tin un Reglamento di Órden publiká for dia 24 ougùstùs 2012 segun e dekreto nashonal di Gobièrnu di Kòrsou di dia 8 ougùstùs 2012 (Publicatieblad 2012 number 50). Pues awe, Parlamento di Kòrsou tin un Reglamento di Órden fiha 10 òktober 2010 i publiká 24 ougùstùs 2012, kual ta bálido pa tur parlamentario ku a huramentá despues di 10  òktober 2010. Un Reglamento di Órden ku tur su 121 artíkulonan.

Tambe komo Presidente di e komishon fiho di Prosedura di Parlamento di Kòrsou, parlamentario Curtley Obispo a indiká ku te awe e no a haña ningun proposishon por eskrito di kambionan ku ke trese den e Reglamento di Órden di Parlamento di Kòrsou.  Si tin kambionan deseá pa entre otro revisá/modernisá e Reglamento di Órden di Parlamento di Kòrsou, e la sugerí pa trese e proposishonnan konkreto por eskrito pa asina por trata esakinan den e komishon fiho di Prosedura di Parlamento di Kòrsou.