Kontrolaria General i Gobièrnu di Kòrsou mester kaba e aña aki ku e investigashonnan di e proyekto HNO.

Kontrolaria General i Gobièrnu di Kòrsou mester kaba e aña aki ku e investigashonnan di e proyekto HNO.

Parlamentario Curtley Obispo den e reunion di dia 26 mart 2019 a mustra ku e di 2 moshon di Parlamento di Kòrsou di dia 24 aprel 2019, a wòrdu aprobá ku 20 voto pro. Pues Parlamento di Kòrsou i Pueblo di Kòrsou ta verwacht di Gobièrnu di Kòrsou, en partikular di Minister di Salubridat, Medio Ambiente i Naturalesa, señora Susanne Camelia-Romer pa loke ta e proyekto di konstrukshon i transishon di Hospital Nobo Otrabanda (HNO): (1) e rapòrt di investigashon di echo (“feitenonderzoek”) riba e trayekto di e proyekto di e konstrukshon, (2) e kuentanan anual ku sifranan audita di e proyekto over di añanan 2013 te ku 2016, (3) un rapòrt di “nulmeting” di e proyekto konforme esun ku tabata tin kaba, (4)un rapòrt di investigashon riba otorgamentu di pèrmit pa hasi uso di Hamelbergweg pa konstruí parti di HNO. Di otro banda tambe Parlamento di Kòrsou ta verwacht di Kontrolaria General di Kòrsou, e resultadonan di e investigashon riba legalidat (“rechtmatigheid”) i eficiencia (“doelmatigheid”) di e gastunan di e proyekto Hospital Nobo Otrabanda. Tambe Kontrolaria General di Kòrsou a indiká di nan karta di 16 yanüari 2019, e fechanan kual Parlamento di Kòrsou por spera resultadonan di nan investigashon. Pues e rapòrtnan di deelonderzoek 1 i 3 di HNO lo ta entrega na Parlamento di Kòrsou no mas tarda 31 mart 2019 i tambe e rapòrtnan di deelonderzoek 2 i 4 di HNO lo ta entrega no mas tarda 30 yüni 2019.

Segun parlamentario Curtley Obispo ta esaki tambe ainda ta riba mesa. I indiká e deseo pa ku e rapòrtnan di investigashon nan mester ta na Parlamento di Kòrsou den e promé mitar di aña 2019. Dikon? Te awe no tin klaridat over di e periodo for di kuminsamentu di e proyekto Hospital Nobo Otrabanda te ku 31 desèmber 2016. I ta Kontrolaria General di Kòrsou i Gobièrnu di Kòrsou aktual tin ku trese e klaridat aki pa medio di investigashonnan. A yega ora di trese klaridat dor di kumpli ku e moshon di 24 aprel 2018. Tambe parlamentario Curtley Obispo ta verwacht di Minister di Finansa, señor Kenneth Gijsbertha, manera e la primintí den un otro reunion di Parlamento di Kòrsou, no mas tarda 30 yüni 2016, e kuentanan anual di Pais Kòrsou di añanan 2015 te ku 2017. Pues e kuentanan anual kontrolá dor di SOAB i Kontrolaria General di Kòrsou, pa asina via e kuentanan anual di Pais Kòrsou aki, por sa mas finansieramente di e proyekto Hospital Nobo Otrabanda.