Djabièrnè atardi, 29 di mart 2019, Ministerio di Hustisia a huramentá 41 trahadó públiko dilanti di Minister di Hustisia sr. Quincy Girigori. Entre esnan presente tabatei sr. Gerold Daantje, Sekretario General suplente. Despues ku e instansianan ya menshoná a partisipá na e kapasitashon di integridat a yega e momento di huramentashon; ku e meta final pa krea un aparato mas íntegro.
Na final di e huramentashon kada ámtenar a haña nan prosèsverbal.

Otro siman djabièrnè 5 di aprel 2019 lo tin e di dos dia di huramentashon pa e organisashonnan Voogdijraad, AJJC ku e di dos grupo di JJIC.

Ministerio di Hustisia ta deseá kada unu ku a huramentá éksito den e trabounan konfiá na nan.

Riba e promé portrèt por mira e empleadonan di Toelatingsorganisatie(imigrashon) ku Minister di Hustisia i sr. Gerold Daantje.

Riba e di dos portrèt por mira e empleadonan di Reclassering ku Minister di Hustisia i sr. Gerold Daantje.

Riba e di 3 portrèt por mira e promé grupo di empleadonan di Justitiële Jeugdinrichting Curaçao ku Minister di Hustisia i sr. Gerold Daantje.

Minister felisitando empleadonan públiko despues ku nan a huramentá.