KOMUNIKADO DI KUERPO POLISIAL KÒRSOU Detenshon en konekshon ku intento di asesinato i destrukshon

KOMUNIKADO DI KUERPO POLISIAL KÒRSOU
139 /2019
31 mart 2019
Detenshon en konekshon ku intento di asesinato i destrukshon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 31 di mart 2019 alrededor di 13.27’or, Sentral di Polis a risibí informashon di okupantenan di un vehíkulo, ku nan tabata wòrdu persiguí riba velosidat haltu pa un otro outo riba kaminda di Lagun.
Mesora a dirigí unidat di Barber den e direkshon ei.
Mas despues, miéntras ku Sentral di Polis tabatin e okupantenan di e outo ku tabata wòrdu persiguí na liña, nan a tende un zonido fuerte.
Despues a bin resultá ku e vehíkulo ku tabata persiguí esun su dilanti, lo mester a dal
probablemente intenshonalmente kontra e parti patras di esun ku e tabata persiguí, ku
konsekuensia ku e shofùr di esun dilanti a pèrdè kontrol riba su stür i bai bòltu ku su
vehíkulo.
Esaki a tuma lugá na altura di Soto.
For di investigashon preliminar a sali na kla ku e dama ku tabata persiguí e otro outo, lo
mester tabatin un relashon ku su eks partner, e hòmber den e vehíkulo ku e tabata persiguí.
E último aki tabata den kompania di un otro dama i esaki probablemente tabata motibu ku e dama aki a persiguí e pareha ku ménos bon intenshon.
Na e sitio, polis a detené e dama M.A.W. nase na Kòrsou di 23 aña di edat.
A present’é dilanti di un fiskal ouksiliar ku a ordená su enkarselamentu pendiente di mas investigashon.

polis

This site uses Akismet to reduce spam. Learn how your comment data is processed.

error: Content is protected !!
%d bloggers like this: