Aniversario MCIS

Willemstad – Ayera Maduro & Curiel’s Insurance Services (MCIS) tabatin un selebrashon ameno en konekshon ku su 40 aniversario.

E 40 añanan ku Maduro & Curiel’s Insurance Services NV ta selebrá despues ku ela keda fundá na 1979 ta djis un parti chikí di e mas ku 100 aña ku Maduro & Curiel’s Bank i su direktornan tin ta sigurá riesgonan na Kòrsou.

Tabata hopi aña pasá na 1889, 130 aña pasá, ku Correa Hermanos & Co a wòrdu apuntá komo e agente lokal pa ofisina di Sun Insurance na London. Correa Hermanos & Co a keda fundá pa e tata di Joseph Alvarez Correa, mihó konosí komo Shon Jojo, un di e fundadónan di Maduro & Curiel’s Bank.

I komo un di e sosionan fundadó di Maduro’s Bank, Shon Jojo a kontribuí pa e kompania di Correa Hermanos i tur si aktividatnan di negoshi aportá na kapital di e banko nobo, inkluso esnan di seguro, hasiendo nan e agente lokal pa Sun Insurance na London; ku tabata un di e kompanianan mas grandi di seguro na mundu.

Pa e motibu aki, e aña aki ta marka e di 130 aña ku MCB i su sosionan ta aktivo komo agente di seguro, kual ta inkluí e último 40 añanan komo Maduro & Curiel’s Insurance Services N.V.

Durante e promé 90 añanan, MCB su aktividatnan di seguro tabata simplemente konosí komo ‘Sun Insurance’, ounke e Banko tabata agente pa diferente otro kompanianan grandi britániko, hulandes i merikano, pa tantu seguro general i di bida komo tambe Agente pa Lloyd’s. Si bo tabtata sigurá pa “Sun” no tabata nifiká nesesariamente ku e Ofisina di Seguro Sun Insurance òf su susesor Grupo Royal Sun Alliance tabata e asegurado. E tabata nifiká simplemente ku e riesgo tabata sigurá pa e departamentu di seguro di Maduro & Curiel’s Bank. ‘Sun’ pa hopi hende antes i awor tabata nifiká MCB Insurance!

Na final di añanan 70, gerensia di MCB a konkluí ku si e departamentu di seguro desaroyá di un manera mas profeshonal i outónomo, su kontribushon na e negoshi kompletu di Banko lo subi sigur. E desishon ei a yega na e punto ku profeshonalnan di e Grupo Sun Alliance, ku eksperiensia den seguro, tabata asistí e departamento di seguro di banko. Esaki a perkurá tambe na ‘upgrade’ di gerensia di Banko i den 1979 a logra ku e negoshi di e departamento di seguro a krese komo un subsidiario separá di e Banko i bira un bróker di seguro ku apropiadamente a keda yamá Maduro & Curiel’s Insurance Services NV, MCIS.

MCIS a mantené un lenk direkto ku Sun Alliance te na inkorporashon di Royal & Sun Alliance na aña 1992.

Royal Sun Alliance a sigui riba su mes, i asina MCIS a bira un Broker di Seguro aun mas independiente i dinámiko den nos merkado lokal. Atrabes di aña RSA a deskontinuá su operashon i a keda bendí na Guardian Fatum.

Djis después MCIS a bini ku un produkto revolushonario den mundo di seguro i a lansa BSure. Esaki ta un muestra klave ku e premirashon di Banko den añanan 70 pa krea un sub-produkto ku MCIS, tabata unu korekto.

Despues di su propio 40 añanan di eksistensia, MCIS ta kontentu di por sigui sirbi e merkado lokal di seguro pa hopi aña mas.

 

Riba potrètnan por mira:

Potret 1: Parti di e selebrashon

Potret 2: Gerensia di MCIS, sr. Robertino Betrian i algun miembro di gerensia di Maduro & Curiel’s Bank