Pronóstiko di tempu pa Kòrsou i bisindario bálido te djamars mainta 06:00 o.l, 7 di mei 2019.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 7 di mei 2019.
Kompilá: djaluna 6 di mei 2019, 05:00 o.l. (09:00 UTC)

Tempu: Parsialmente te hopi nublá i wer lo keda generalmente seku.

Temperatura máksimo lo alkansá 30 ºC i temperatura mínimo 26 ºC.
Solo ta sali 06:14 i ta baha 18:51 o.l.

Bientu: For di direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general: Durante di próksimo 24 ora no ta antisipá kambio signifikante den e tipo di wer aktual riba nos region i un wer generalmente seku lo prevalesé. Sin embargo, durante oranan di mainta temporalmente nubianan por oumentá i produsí algu di áwaseru di poko importansia riba nos isla. Mas aleu, un régimen di bientu moderá lo establesé den nos área miéntras e siman ta progresá.

Kondishon di laman: Moderá ku altura di ola entre 1 i 2 meter (3 pa 6 pia).

Fenómeno spesial: Ningun.

Perspektiva te djárason mainta: Parsialmente te hopi nublá ku chèns pa algu di áwaseru.

Meteorólogo: Rombley.