Komunikado di Ministers di Hustisia na personal di SDKK

Komunikado di Ministers di Hustisia na personal di SDKK

Debi na e huida masal di estranhero ilegal riba dia 8 mei 2019 mi a tuma e desishon pa instala un Tim di krisis pa seguridat integral (CRISITEAM INTEGRALEVELILIGHEID) na SDKK, entrante 10 mei 2019.
E presidente di e tim señor B. Fredem MBA, lo bira miembro di e team di maneho di SDKK i lo ta enkarga ku e seguridat integral di e instituto. E lo haña sosten di tres persona ku diferente eksperitisio. E tim lo fumshoná ku un nivel haltu di independensia denter di SDKK. En prinsipio ta instalá e tim di krisis aki pa un periodo di un luna ku e posibilidat pa prolongashon.
Tareanan di het “Crisisteam Intergrale Veiligheid “di SDKK ta:
Evaluá i optimalisá e seguridat integral den i rondó di SDKK i hasi tur e investigashonnan nesesario pa esaki i duna rekomendashonnan praktiko i organisatorio na e minister i na direktor. E tim ta duna rekomendashon di maneho, tantu riba petishon òf riba propio inisiativa, pa loke ta trata seguridat di e instituto i e personal. E tim lo revisá i formulá reglanan i proseduranan di seguridat. E tim ta enkargá ku raportá faktornan di riesgo pa loke ta trata seguridat i integridat di personal i tin e outoridat pa hasi investigashon (di integridat) denter di SDKK i formulá rapòrtnan tokante di esaki. Tur esaki den estrecho koperashon ku Bureau Inrerne Relatie na SDKK.
Lo evaluá en todo kaso e siguiente temanan: e organisashon i su tareanan, guia di coaching di personal i reportahe i atendementu ku e insidentenan en relashon ku e detenidonan i e personal. E presidente di e tim di krisis ta hasi e trabounan aki na nòmber di Minister di Hustisia i ta reportá tantu na Minister di Hustisia i na Direktor di SDKK.
Minister van Justitie
Mr. Q. O. C. Girigorie

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: