CTB a start ku Kurso di Servisio na Kliente / CTB’s Customer Service Course Begins

CTB a start ku Kurso di Servisio na Kliente

WILLEMSTAD – 21 di mei 2019 – Servisio na kliente ta un ‘mindset’ ku ta hiba na un aktitut di duna prioridat na ofresé un servisio ku ta kai na agrado di e kliente. P’esei duna servisio di kalidat ta eksigí un kambio den kondukta kaminda e persona ku ta duna servisio ta konsiente di su ambiente, sa kiko e kliente ke i ta pone atenshon na e produkto i servisio ku e ta ofresé na e kliente. Saliendo for di e pensamentu aki Ofisina di Turismo di Kòrsou (CTB) a start entrante 20 di mei ku un kurso di Servisio na Kliente spesialmente pa esnan ku ta den kontakto direkto ku e turista.

E kursistanan ta repartí den grupo di kada biaha 15 persona. Ta trata aki di empleadonan di Kuerpo Polisial Kòrsou, Imigrashon, kuerpo di Duana ubiká na aeropuerto, Curaçao Ports Authority (CPA) i Curaçao Airport Partners (CAP). E kurso ta konsistí di e siguiente modulonan: Servisio na bo òrdu!, Komunikashon efektivo, Kon pa atendé den situashonnan difísil i Bai e ‘extra mile’. E trayekto di e kurso lo kontinuá te ku luna di sèptèmber próksimo. Kordinashon di e kurso ta den man di Teamwork Curaçao.

CTB ta gradisí tur e instansianan ku ta partisipá na e trayekto i ta deseá e kursistanan hopi éksito. Riba foto e promé grupo ku a start ku e kurso den kompania di direktor di CTB, sr. Paul Pennicook, representantenan di CTB i e treinernan.

Nota:
E promé grupo ku a start ku e kurso di Servisio na Kliente den kompania di direktor di CTB, sr. Paul Pennicook (pará mei mei)


 

CTB’s Customer Service Course Begins

WILLEMSTAD – May 21, 2019 – Customer service is a mindset that sees providing service that truly satisfies your customers as a priority. Offering quality service requires a change in behavior—The service giver needs to become more aware of his surroundings, know what the customer really wants and be mindful of the product or service he is providing. With this in mind, the Curaçao Tourist Board (CTB) is offering a customer-service course starting May 20, aimed especially at any who come in direct contact with tourists as part of their work.

The participants, who will be divided into groups of 15 persons each, work at the Curaçao Police Force, Immigration, the airport customs, the Curaçao Ports Authority (CPA) and Curaçao Airport Partners (CAP). The course consists of the following modules: At your Service!, Effective Communication, Handling Challenging Situations, and Going the Extra Mile. The course will continue until September of this year and is coordinated by Teamwork Curaçao.

The CTB wishes to thank all participating organizations, while wishing all the best to the participants. The accompanying picture shows the first group at the start of the course, accompanied by Paul Pennicook, CEO of the CTB, CTB representatives and the trainers.

 

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: